خصوصی ایپلی کیشن تیار،حکومت نے توشہ خانہ کے نظام کو ڈیجیٹل بنانے کا فیصلہ کر لیا

وفاقی حکومت نے توشہ خانہ کے نظام کو جدید اور شفاف بنانے کے لیے بڑا قدم اٹھاتے ہوئے اسے مکمل طور پر ڈیجیٹلائز کرنے کا فیصلہ کر لیا ہے۔

کابینہ ڈویژن کے مطابق اس مقصد کے تحت ایک خصوصی انوینٹری ایپلی کیشن تیار کی گئی ہے جس کی مدد سے تحائف کا ٹریک اینڈ ٹریس اور آڈٹ ممکن ہو سکے گا۔

یہ خبر بھی پڑھیں :توشہ خانہ ٹو کیس میں کل عمران خان اور بشریٰ بی بی کیخلاف اڈیالہ جیل میں ہونے والی سماعت منسوخ
یہ ایپلی کیشن محکمہ داخلہ پنجاب کے تعاون سے بنائی گئی ہے اور توشہ خانہ کے ریکارڈ کو ایک خودکار نظام کے تحت منظم کرے گی۔

اس اقدام کا بنیادی مقصد سرکاری اور حکومتی عہدیداروں کو بیرونِ ملک سے ملنے والے تحائف کا ریکارڈ شفاف اور قابلِ رسائی بنانا ہے۔

کابینہ کمیٹی نے توشہ خانہ قواعد سے متعلق اپنی سفارشات کو حتمی شکل دے دی ہے جو جلد ہی وفاقی کابینہ کے سامنے منظوری کے لیے پیش کی جائیں گی

کابینہ ڈویژن کا کہنا ہے کہ 2024 تک توشہ خانہ میں جمع ہونے والے تحائف کا ریکارڈ پہلے ہی سرکاری ویب سائٹ پر جاری کیا جا چکا ہے جبکہ نیا خودکار نظام جلد مکمل طور پر فعال کر دیا جائے گا۔