ویب ڈیسک: آزاد فیکٹ چیک نے سوشل میڈیا پر گمراہ کن معلومات پھیلانے کی ایک اور کوشش کو بے نقاب کیا ہے جس میں یہ دعویٰ کیا گیا ہے کہ تیراہ میں پاک فوج نے شہریوں پر فائرنگ کی جبکہ حقیقت اس کے برعکس ہے۔
بھارت سے تعلق رکھنے والے ایکس (سابقہ ٹوئٹر) اکاؤنٹ نے دعویٰ کیا ہے کہ پاک فوج کے اہلکاروں نے تیراہ میں فوجی زیادتیوں کے خلاف احتجاج کرنے والے نہتے شہریوں پر براہ راست فائرنگ کی، جس سے ہلاکتیں ہوئیں، دعوے کے ساتھ ایک ویڈیو بھی بطور “ثبوت” شیئر کی گئی ہے۔
Azaad Fact Check has debunked misinformation from an India-based X handle falsely accusing the Pakistani army of directly firing on civilians. Our frame-by-frame analysis of the video from a different angle clearly shows soldiers firing into the air to disperse a crowd, not at… https://t.co/zddvIza9Tjpic.twitter.com/zibJdfPRvs
آزاد فیکٹ چیک کے مطابق یہ دعویٰ غلط اور گمراہ کن ہے، آزاد فیکٹ چیک نے اسی ویڈیو کا ایک اور زاویے سے فریم بہ فریم تجزیہ کیا، جس سے واضح ہوا کہ فوجی اہلکاروں نے ہجوم کو منتشر کرنے کے لیے ہوا میں فائرنگ کی، نہ کہ براہ راست کسی فرد پر۔
آزاد فیکٹ چیک نے اسے جھوٹ قرار دیتے اسے عوام میں خوف اور الجھن پھیلانے کی ایک کوشش قرار دیا ہے، اصل ویڈیو یا متبادل زاویے سے حاصل فوٹیج میں کہیں بھی یہ ثبوت موجود نہیں کہ فوج نے نہتے شہریوں پر براہ راست فائرنگ کی، مزید یہ کہ آزاد ذرائع یا تصدیق شدہ رپورٹس میں ایسی کسی ہلاکت کی تصدیق نہیں ہوئی۔
تیراہ میں پاک فوج کی جانب سے شہریوں پر فائرنگ کا دعویٰ گمراہ کن اور بے بنیاد ہے، ویڈیو کو سیاق و سباق سے ہٹ کر پیش کیا گیا ، یہ دعویٰ بظاہر بدنیتی پر مبنی پروپیگنڈا ہے، جس کا مقصد غلط معلومات پھیلانا اور عوامی جذبات کو بھڑکانا ہے۔
آزاد فیکٹ چیک نے اس گمراہ کن معلومات کو ایک اور مثال قرار دیا ہے کہ کس طرح بھارت سے منسلک آن لائن نیٹ ورکس، بالخصوص را کے تعاون سے چلنے والے سوشل میڈیا اکاؤنٹس، پاکستان کے خلاف جھوٹی خبریں اور پروپیگنڈا پھیلانے میں مصروف ہیں۔
عام افراد کو خاص طور پر اس وقت باخبر رہنا چاہیے جب لوگ اس بارے میں غیر یقینی ہوں یا جب معلومات تیزی سے پھیل رہی ہوں، سوشل میڈیا اور دیگر جگہوں پر جھوٹے افواہیں پھیلتی رہتی ہیں، جو عموماً تصدیق کے بغیر ہوتی ہیں اور اکثر وائرل ہوتی ہیں۔ قابل اعتماد ذرائع سے جڑے رہنا، عوام کو درست، بروقت اور ذمہ دارانہ معلومات فراہم کرنے میں مددگار ثابت ہوتا ہے۔
By 
