وزیراعظم شہباز شریف نے لیفٹیننٹ جنرل (ریٹائرڈ) محمد سعید کو واپڈا کا چیئرمین تعینات کردیا

وزیراعظم شہباز شریف نے لیفٹیننٹ جنرل (ریٹائرڈ) محمد سعید کو واپڈا کا چیئرمین تعینات کردیا اس تعیناتی کی منظوری وفاقی کابینہ کی مشاورت سے دی گئی،لیفٹیننٹ جنرل (ر) محمد سعید نے اس موقع پر وزیراعظم سے ملاقات کی، جس میں وزیراعظم نے انہیں چیئرمین واپڈا کی ذمہ داریاں سنبھالنے پر مبارکباد دی اور ان کے لیے نیک تمناؤں کا اظہار کیا۔

شہباز کابینہ کی منظوری، لیفٹیننٹ جنرل ر محمد سعید چیئرمین واپڈا تعینات، وزیراعظم سے ملاقات، مبارکباد دی۔۔۔!!! pic.twitter.com/SRw99ato2C

— Mughees Ali (@mugheesali81) August 4, 2025

وزیراعظم نے اس اعتماد کا اظہار کیا کہ لیفٹیننٹ جنرل (ر) محمد سعید ادارے کی قیادت مؤثر انداز میں کریں گے اور واپڈا کو مزید فعال بنانے میں اہم کردار ادا کریں گے۔

اس ملاقات میں نائب وزیراعظم و وزیر خارجہ اسحاق ڈار بھی موجود تھے، جنہوں نے نئے چیئرمین کو ذمہ داری سنبھالنے پر اپنی حمایت کا یقین دلایا۔