الیکشن کمیشن نے پی ٹی آئی کے 9 ارکان اسمبلی اور سینیٹرز کو نا اہل قرار دیدیا

الیکشن کمیشن آف پاکستان (ای سی پی) نے انسدادِ دہشت گردی عدالت فیصل آباد کی جانب سے سزا یافتہ قرار دیے جانے کے بعد پاکستان تحریک انصاف (پی ٹی آئی) کے ایک سینیٹر، متعدد اراکینِ قومی و صوبائی اسمبلی کو نااہل قرار دیتے ہوئے ان کی نشستیں خالی قرار دے دی ہیں۔

الیکشن کیمشن آف پاکستان کی جانب سے منگل کو جاری نوٹیفکیشن کے مطابق، یہ نااہلی 31 جولائی 2025 کو فیصل آباد کی انسدادِ دہشت گردی عدالت کے فیصلوں کی روشنی میں کی گئی ہے۔ زیرِ سماعت مقدمات 43، 45، اور 47/2023 تھے، جن کے ٹرائلز 76، 77، اور 78/2024 میں مکمل ہوئے، جن کے عنوانات ’ریاست بمقابلہ محمد علی و دیگر‘، ’ریاست بمقابلہ آصف و دیگر‘ اور ’ریاست بمقابلہ اویس اکبر‘ تھے۔

یہ بھی پڑھیں:الیکشن کمیشن بی جے پی کا آلہ کار، مودی کا ووٹ چوری ونگ بن چکا ہے،راہول گاندھی

نااہل قرار دیے گئے افراد میں شامل ہیں

سینیٹر سید شبلی فراز

عمر ایوب خان، ایم این اے (NA-18 ہری پور)

رائے حیدر علی خان، ایم این اے (NA-96 فیصل آباد-II)

صاحبزادہ محمد حمید رضا، ایم این اے (NA-104 فیصل آباد-X)

رائے حسن نواز خان، ایم این اے (NA-143 ساہیوال-III)

زرتاج گل، ایم این اے (NA-185 ڈیرہ غازی خان-II)

محمد انصر اقبال، ایم پی اے (PP-73 سرگودھا-III)

جنید افضل ساہی، ایم پی اے (PP-98 فیصل آباد-I)

رائے محمد مرتضیٰ اقبال، ایم پی اے (PP-203 ساہیوال-VI)

الیکشن کمیشن نے واضح کیا کہ ان افراد کو آئین کے آرٹیکل 63(1)(h) کے تحت نااہل قرار دیا گیا ہے، اور ان کی نشستیں اب خالی ہو چکی ہیں۔