اسٹاک مارکیٹ میں ریکارڈ سازدن، انڈیکس نے نئی بلندیوں کو چھو لیا

پاکستان اسٹاک ایکسچینج نے سرمایہ کاروں کا اعتماد بحال، کے ای ایس سی ہنڈرڈ انڈیکس میں تیزی نے اسے ایک مرتبہ پھر شاندار ریکارڈ سطحوں تک پہنچایا جبکہ امریکی ڈالر کے مقابلے میں پاکستانی روپے کی قدر میں بھی معمولی مگر اہم نوعیت کی مضبوطی واقع ہوئی۔

کاروباری ہفتے کے آخری روز مارکیٹ میں مثبت آغاز ہواکے ایس سی ہنڈرڈانڈیکس میں تقریباً 690 پوائنٹس کا حیرت انگیز اضافہ ریکارڈ کیا گیا ۔

یہ تیزی پچھلے روز کی کارکردگی کا تسلسل تھی جہاں انڈیکس پہلی بار 145 ہزار پوائنٹس کی سطح عبور کر چکا تھا ،جس سے زیادہ دیرپا سرمایہ کاری کے رحجان اور معاشی اطمینان کا اظہار ہوتا ہے،اسی دوران روپے نے غیر ملکی کرنسی کے مقابلے میں مضبوطی کا مظاہرہ کیا۔

یہ خبر بھی پڑھیں :اسٹاک مارکیٹ میں زبردست تیزی، انڈیکس ایک لاکھ 24 ہزار پوائنٹس کی حد عبور کر گیا

ایکسچینج کمپنیز ایسوسی ایشن کے مطابق انٹر بینک مارکیٹ میں ڈالر کی قیمت تقریباً 10 پیسے کی کمی کے بعد 282 روپے 46 پیسے پر بند ہوئی۔

یہ معمولی سا فرق بھی اہم ہے کیونکہ یہ مالیاتی توازن کی عکاسی کرتا ہے۔مجموعی لحاظ سے اسٹاک مارکیٹ کی بلندی اور کرنسی مارکیٹ میں آج ہونے والی بہتری اس بات کے مضبوط اشارے ہیں کہ پاکستان کی معیشت میں بہتر فکری رجحانات، مستحکم اقتصادی پالیسیاں اور بڑھتی ہوئی سرمایہ کاری کے مواقع موجود ہیں۔

سرمایہ کاروں کا اعتماد، کمپنیوں کے نتائج میں مضبوطی اور حکومتی اقتصادی اقدامات نے مل کر یہ خوش کن مجموعی تصویر تشکیل دی ہے۔