پاکستان آئیڈل میں اس بار ججز کے طور پر سروں کے بادشاہ راحت فتح علی خان، اداکار فواد خان، گلوکارہ زیب بنگش اور موسیقار بلال مقصود شامل ہوں گے۔
تفصیلات کے مطابق پاکستان کے سب سے مقبول انٹرٹینمنٹ چینل جیو ٹی وی پر پاکستان آئیڈل کی واپسی کی خبر سنتے ہی نوجوانوں میں خوشی کی لہر دوڑ گئی ہے اور ہر طرف آڈیشن اپ لوڈ کرنے کا سلسلہ شروع ہو گیا ہے۔
جیو ٹی وی پر نشر ہونے والی اس خبر نے دھوم مچا دی ہے کہ مقابلہ پہلے سے بھی زیادہ سخت ہوگا کیونکہ چار بڑے نام ججز کے طور پر نئے گلوکاروں کی آواز اور فن کا کڑا امتحان لیں گے۔
ایم ایچ ایل کی پیشکش پاکستان آئیڈل کے لیے نوجوان بڑی تعداد میں آڈیشنز اپ لوڈ کر رہے ہیں۔ سپر اسٹار بننے کا خواب ہر دل میں دھڑک رہا ہے اور یہی خواب ان کی آوازوں کے سنگیت سے مل کر ایک نیا جادو پیدا کرے گا۔ جب یہ میوزک مستی مقابلے پاکستان کے نمبر ون انٹرٹینمنٹ چینل پر نشر ہوں گے تو مزہ دوبالا ہو جائے گا۔
ماضی میں خدا کے لیے، بول، طیفا ان ٹربل، ڈونکی کنگ، دی گلاس ورکر اور دی لیجنڈ آف مولا جٹ جیسے بلاک بسٹر پراجیکٹس پیش کرنے والا جیو ٹی وی اس بار بھی ملک بھر میں میوزک کا نیا طوفان برپا کرنے جا رہا ہے۔
پاکستان آئیڈل کا کاؤنٹ ڈاؤن شروع ہو چکا ہے اور ناظرین یہ سنسنی خیز شو سب سے پہلے جیو ٹی وی کی اسکرین پر دیکھ سکیں گے۔ ملک کے ہر کونے سے نوجوان اپنی آواز کے جادو سے سب کو حیران کرنے کے لیے تیار ہیں۔
اگر آپ بھی اپنے خواب کو حقیقت بنانا چاہتے ہیں تو ابھی فون اٹھائیں، اپنا ڈیجیٹل آڈیشن اپ لوڈ کریں اور شامل ہو جائیں دنیا کے سب سے بڑے میوزک مقابلے میں۔ ممکن ہے اگلا پاکستان آئیڈل آپ ہی ہوں۔
By 
