آزادی آفر : اب ہونڈا بائیک 48 ماہ کی آسان اقساط پر حاصل کریں

فیصل بینک نے یومِ آزادی کے موقع پر صارفین کے لیے ہونڈا بائیک کی خریداری پر ایک خصوصی پیشکش کا اعلان کیا ہے، جس کے تحت تین ماہ کے لیے بغیر کسی منافع کے آسان قسطوں کی سہولت فراہم کی جا رہی ہے۔

بینک کی جانب سے جاری کردہ اعلامیے کے مطابق صارفین اب ہونڈا بائیک صرف 6,529 روپے ماہانہ سے شروع ہونے والے پلان کے تحت حاصل کر سکتے ہیں۔

یہ بھی پڑھیں: ڈیزائن میں تبدیلی کے بعد سوزوکی GD 110S موٹر سائیکل کی قیمت میں بڑا اضافہ

اس اسکیم کے تحت مجموعی طور پر 48 ماہ کی لچکدار اقساط کی سہولت فراہم کی گئی ہے جبکہ ابتدائی تین ماہ تک 0 فیصد منافع لیا جائے گا۔

فیصل بینک کے مطابق یہ آفر صرف نور کارڈ رکھنے والے صارفین کے لیے ہے، اگر کسی کے پاس نور کارڈ موجود نہیں تو وہ بینک کی ویب سائٹ پر جا کر فوری طور پر درخواست دے سکتے ہیں۔

یہ بھی پڑھیں: موٹر سائیکل کیلئے نمبر بک کروانے کی فیس میں بڑی کمی کرنے کا فیصلہ

’فیصل ڈیجی مال‘ پر موجود موجودہ قیمتیں درج ذیل ہیں

ہونڈا سی ڈی 70 کی قیمت 159،000 روپے، ہونڈا پرائیڈر (بلیک) کی قیمت 211,900 روپے، ہونڈا سی جی 125 کی قیمت  238,500 روپے رکھی گئی، اسی طرح ہونڈا سی جی 150 کی قیمت   459,900 روپے اور ہونڈا پرائیڈر 150ایف اسپیشل ایڈیشن کی قیمت503,900 روپے متعین کی گئی۔

یہ بھی پڑھیں : پاکستانی طلبہ آکسفورڈ یونیورسٹی میں داخلہ کیسے حاصل کر سکتے ہیں؟

بینک کا کہنا ہے کہ اس پیشکش کا مقصد عوام کو مالی آسانی فراہم کرنا ہے تاکہ وہ یومِ آزادی کے موقع پر آزادی کے حقیقی جذبے کے ساتھ اپنی زندگی میں بہتری لا سکیں

بینک ذرائع کے مطابق اس آفر کا مقصد موٹرسائیکل کی ملکیت کو مزید آسان اور سستی بنانا ہے، جس میں مختصر مدتی منافع فری فنانسنگ کو طویل مدتی ادائیگی کی سہولت کے ساتھ پیش کیا جا رہا ہے۔