ترکیہ میں شدید زلزلہ، متعدد عمارتیں منہدم

ترکیہ میں زلزلے کے شدید جھٹکے محسوس کیے گئے ہیں، جن کی شدت 6.1 ریکارڈ کی گئی ہے، متعدد عمارتیں منہدم ہوگئیں۔

ترک میڈیا رپورٹ کے مطابق زلزلہ استنبول کے قریب واقع بالی سیر صوبے میں آیا، ترکیہ میں شدید زلزلے کی وجہ سے متعدد عمارتیں گر گئیں جبکہ بچ جانے والی عمارتوں کی دیواروں میں دراڑیں پڑگئیں۔

زلزلے کی شدت محسوس کرکے لوگ خوف کے عالم میں گھروں سے باہر نکل آئے، استنبول، ازمیر سمیت کئی شہروں میں زلزلے کے جھٹکوں سے زلزلے کے مرکز سندرگی میں تقریباً 10عمارتیں منہدم ہوگئیں۔

ترک میڈیا رپورٹ کے مطابق سندرگی کے مرکز میں 3منزلہ عمارت بھی گرگئی، گولک کے قریبی گاؤں میں بھی کئی مکانات منہدم ہوگئے، زلزلے کے بعد 3سے4.6شدت کے آفٹر شاکس بھی آئے۔

مزید پڑھیں: بھارتی دفاعی تجزیہ کار پراوین ساہنی نے انڈین ایئرمارشل کے پاکستانی جہاز گرانےسے متعلق دعووں کا پول کھول دیا

وزیر صحت ترکیہ نے بتایا کہ عمارتیں گرنے سے زخمی ہونے والے 4افراد کو طبی امداد کیلیے اسپتال لایا گیا ہے، ریسکیو آپریشن جاری ہے، امید ہے کوئی جانی نقصان نہ ہوا ہو۔ واضح رہے کہ ترکیہ جانے کے خواہش مند پاکستانی شہریوں کیلیے نئی سنگل اور ملٹیپل انٹری ویزا فیس جاری کر دی گئی۔

ترک ویزا ایپلیکیشن سینٹر نے پاکستانی پاسپورٹ رکھنے والوں کیلیے مختلف ویزا کیٹیگری کیلیے فیس کا خاکہ جاری کیا جس میں قیام کی قسم اور مدت کی تفصیلات بھی شامل ہیں۔