سپریم کورٹ نے بحریہ ٹاؤن جائیداد نیلامی کیس دوبارہ پرانے بینچ کو بھیج دیا، کارروائی غیر معینہ مدت تک ملتوی

سپریم کورٹ آف پاکستان نے بحریہ ٹاؤن کی جائیدادوں کی نیلامی سے متعلق اہم کیس دوبارہ پرانے بینچ کو بھیج دیا ہے، جبکہ مزید کارروائی غیر معینہ مدت تک ملتوی کر دی گئی ہے۔

یہ بھی پڑھیں:سپریم کورٹ میں بحریہ ٹاؤن اثاثہ جات نیلامی کیس میں پیش رفت، اضافی دستاویزات عدالت میں جمع

یہ کیس چیف جسٹس یحییٰ آفریدی کی سربراہی میں بینچ کے سامنے سماعت کے لیے مقرر تھا، تاہم بدھ کو سماعت کے دوران چیف جسٹس نے کیس کی سماعت سے معذرت کر لی۔ اُن کا کہنا تھا کہ یہ زیادہ مناسب ہوگا کہ وہی بینچ اس کیس کی کارروائی کو جاری رکھے جس نے پہلے سماعت کی تھی۔

مزید پڑھیں:عمران خان کے دور میں بحریہ ٹاؤن کے مالک ملک ریاض سے متعلق چھپائے گئےایف بی آر کے مشتبہ بے نامی نوٹسز منظر عام پر آ گئے

بحریہ ٹاؤن کے وکیل نے عدالت کو آگاہ کیا کہ اسلام آباد ہائی کورٹ کا تفصیلی فیصلہ جاری ہو چکا ہے اور وہ مزید دلائل دینا چاہتے ہیں۔ عدالت نے اضافی دلائل پیش کرنے کی اجازت دے دی۔

اس سے قبل یہ کیس جسٹس امین الدین کی سربراہی میں 3 رکنی بینچ نے سنا تھا۔ اب جب کہ معاملہ دوبارہ اُسی بینچ کو بھیج دیا گیا ہے، کیس کی آئندہ سماعت غیر معینہ مدت تک ملتوی کر دی گئی ہے۔

یہ بھی پڑھیں:بحریہ ٹاؤن کی مشہور روبیش مارکی نیلامی میں خریدنے والے مصور عباسی کون ہیں؟

یہ غیر معینہ التوا بحریہ ٹاؤن کی جائیدادوں اور آپریشنز سے متعلق پہلے سے جاری قانونی غیر یقینی صورتحال میں مزید اضافہ کرتا ہے۔