عمانی حکومت نے بین الاقوامی طلبہ، بشمول پاکستانیوں کے لیے ’’عمانی پروگرام برائے ثقافتی و علمی تعاون‘‘ کے تحت اسکالرشپس کا اعلان کیا ہے۔ یہ اسکالرشپس عمان کی منتخب نجی یونیورسٹیوں میں انجینئرنگ، ہیومینٹیز، انفارمیشن ٹیکنالوجی اور سائنسز میں بیچلرز ڈگری حاصل کرنے کا موقع فراہم کریں گی۔
اسکالرشپ میں مکمل ٹیوشن فیس معافی، ماہانہ وظیفہ، ہاؤسنگ نہ ہونے کی صورت میں 200 عمانی ریال یا مفت ہاؤسنگ کی صورت میں 140 عمانی ریال، ہر تعلیمی سال کے لیے ایک راؤنڈ ٹرپ ایئر ٹکٹ، متعدد یونیورسٹیوں اور مضامین میں انتخاب کی سہولت، اور دو مضامین تک منتخب کرنے کی اجازت شامل ہے۔
اہلیت کے لیے امیدوار کا پاکستانی ہونا، پچھلے 3 سال کے اندر انٹرمیڈیٹ یا مساوی تعلیم مکمل کرنا، درخواست کے وقت عمر 23 سال یا کم ہونا، طبی طور پر صحت مند ہونا، اور عمان کی وزارت تعلیم سے تعلیمی مساواتی سرٹیفیکیٹ حاصل کرنا لازمی ہے۔
درخواست کے لیے ضروری دستاویزات میں درست پاسپورٹ، انٹرمیڈیٹ یا مساوی سرٹیفکیٹ، عمان کا مساواتی سرٹیفیکیٹ، اور اگر دستیاب ہو تو انگریزی زبان کی مہارت کے نتائج شامل ہیں۔
درخواستیں براہ راست عمانی یونیورسٹیوں میں 25 اگست 2025 سے پہلے جمع کرائی جائیں۔ اپنی تفصیلات پاکستانی سفارتخانے مسقط کو parepmuscat@mofa.gov.pk پر بھیجنا اور آن لائن رجسٹریشن مکمل کرنا بھی ضروری ہے:
https://eservices.moheri.gov.om/Student/CoStudReeistration.aspx
یہ اسکالرشپ نزویہ یونیورسٹی، البریمی یونیورسٹی، شرقیہ یونیورسٹی، ظفار یونیورسٹی، ماجان یونیورسٹی کالج، گلف کالج، گلوبل کالج آف انجینئرنگ اینڈ ٹیکنالوجی اور جرمن یونیورسٹی آف ٹیکنالوجی میں دستیاب ہے۔
واضح رہے کہ میڈیسن، ڈینٹسٹری اور فارمیسی کے مضامین اس پروگرام میں شامل نہیں ہیں اور ہر یونیورسٹی کی داخلے کی آخری تاریخ مختلف ہو سکتی ہے۔ مزید معلومات کے لیے درج ذیل ای میل پر رابطہ کیا جا سکتا ہے:
Postgraduate & Grants Dept: postgraduate@moheri.gov.om
General Support: public.services@moheri.gov.om
By 
