شاہد آفریدی ، ثنا میر سمیت کئی کھلاڑیوں کیلئے سول اعزازات کا اعلان

حکومتِ پاکستان نے کھیلوں کے مختلف شعبوں میں نمایاں کارکردگی دکھانے والی معروف شخصیات کو سول اعزازات دینے کا اعلان کیا ہے۔

 ان شخصیات کو 23 مارچ 2026 کو یومِ پاکستان کے موقع پر اعلیٰ ترین قومی اعزازات سے نوازا جائے گا۔

پاکستان کرکٹ ٹیم کے سابق کپتان شاہد آفریدی سمیت کھیلوں سے منسلک 10 شخصیات کو قومی اعزازات دیے جائیں گے۔

یہ بھی پڑھیں : ناقص کارکردگی سے قومی کرکٹرز کے بھاری معاوضے آشکار ہونے لگے

ان کھلاڑیوں اور شخصیات کو یہ اعزازات محنت، لگن اور شاندار کارکردگی سے پاکستان کا نام عالمی سطح پر روشن کرنے پر دیے جائیں گے۔

اہد آفریدی، کوہ پیما شہروز کاشف، ملک محمد عطا (مرحوم) گھڑ سوار کو ہلال امتیاز جبکہ سابق ویمن کرکٹر ثنا میر اور ڈسک تھرو میں حیدر علی کو ستارہ امتیاز سے نوازا جائے گا۔

علاوہ ازیں اسکواش میں حمزہ خان، شوٹنگ میں محسن نواز، ٹینس کے شعبے میں راشد ملک کو تمغہ امتیاز جبکہ شاہ زیب رند کو کراٹے اور محمد سجاد کو کبڈی میں پرائیڈ آف پرفارمنس ایوارڈ سے نوازا جائے گا۔