خیبرپختونخوا اسمبلی میں موٹر وہیکل آرڈیننس ترمیمی بل پیش، شخصی رجسٹریشن نمبر کی سہولت تجویز

خیبرپختونخوا اسمبلی میں موٹر وہیکل آرڈیننس ترمیمی بل 2025 پیش کر دیا گیا ہے، جس کے تحت شہریوں کو اپنی پسند کے شخصی رجسٹریشن مارک حاصل کرنے کی سہولت فراہم کی جائے گی۔

مجوزہ بل کے مطابق، گاڑی کی فروخت کے بعد بھی رجسٹریشن نمبر مالک کے پاس ہی رہے گا، تاہم اگر تین سال تک اس نمبر کو استعمال نہ کیا گیا تو اسے منسوخ کر دیا جائے گا۔

ترمیمی بل میں رجسٹریشن نمبر میں جعلسازی کرنے والوں کے لیے بھاری جرمانے اور گاڑی ضبط کرنے کی سزا تجویز کی گئی ہے۔

یہ بھی پڑھیں: سیکنڈ ہینڈ گاڑیاں خریدتے وقت کسی بھی ممکنہ فراڈ سے بچنے کا طریقہ

بل کے مطابق، رجسٹریشن نمبر کو فعال رکھنے کے لیے سالانہ بائیو میٹرک تصدیق لازمی ہوگی۔ مزید برآں، مالک کی وفات کی صورت میں گاڑی ان کے ورثا کے نام منتقل کر دی جائے گی۔