حضرت محمد ﷺ کا یوم ولادت سعودی عرب میں 4 ستمبر بروز جمعرات کو منایا جائے گا،ادھر عمان کے حکام نے بھی اعلان کیا کہ ملک میں ربیع الاول کا چاند ا نظر آ گیا اور آج یکم ربیع الاول ہوگا۔
کویت کی حکومت نے بھی اعلان کیا ہے کہ 4 ستمبر بروز جمعرات کو بارہ ربیع الاول کے موقع پر وزارتوں اور حکومتی اداروں میں عام تعطیل ہوگی۔
ادھر پاکستان میں ربیع الاول کا چاند دیکھنے کے لیے مرکزی رویت ہلال کمیٹی کا اجلاس آج کراچی میں منعقد ہوگا، اجلاس کی صدارت چیئرمین کمیٹی صاحبزادہ ابوالخبیر کریں گے اور یہ نماز عصر کے بعد محکمہ موسمیات کے میٹ آفس کراچی، گلستان جوہر اسکیم 33 میں ہوگا۔
اس اجلاس میں کراچی کے رویت ہلال کمیٹی کے ممبران کے علاوہ وزارت مذہبی امور، محکمہ سپارکو، محکمہ موسمیات اور وزارت سائنس اینڈ ٹیکنالوجی کے نمائندگان شریک ہوں گے۔
اس کے علاوہ اسلام آباد، لاہور، کوئٹہ، پشاور سمیت دیگر علاقوں میں زونل کمیٹیوں کے اجلاس بھی ہوں گے، چاند کی حتمی رویت اور اعلان چیئرمین صاحبزادہ ابوالخبیر کریں گے۔
By 
