دبئی کی شہزادی شیخہ مہرہ المکتوم نے منگنی کر لی

دبئی کی شہزادی شیخہ مہرہ المکتوم نے ریپر فرنچ مونٹانا سے منگنی کر لی ہے۔

انسٹاگرام پر اپنے شوہر کو طلاق دینے کا اعلان کرنے والی دبئی کی شہزادی شیخہ مہرہ المکتوم نے ریپر فرنچ مونٹانا سے منگنی کرلی۔

غیر ملکی میڈیا رپورٹس کے مطابق متحدہ عرب امارات کے نائب صدر اور وزیرِاعظم شیخ محمد بن راشد المکتوم کی 31 سالہ صاحبزادی شیخہ مہرہ نے 40 سالہ مراکشی نژاد ریپر فرنچ مونٹانا سے منگنی کی ہے، جس کی تصدیق ریپر کے نمائندے نے کردی۔

رپورٹس میں بتایا گیا ہے کہ شیخہ مہرہ اور فرنچ مونٹانا 2024 کے اختتام سے ایک ساتھ ہیں۔ اس دوران شیخہ مہرہ نے فرنچ مونٹانا کو دبئی کا دورہ کرایا اور دونوں نے سوشل میڈیا پر تصاویر بھی شیئر کیں۔

یہ بھی پڑھیں: بلاول بھٹو زرداری ایک ہفتے کے لیئے دوبئی روانہ ہو گئے

بعد ازاں انہیں صحرائی شہر اور مراکش میں، اعلیٰ درجے کے ریستورانوں میں کھانا کھاتے ہوئے، مساجد میں جاتے ہوئے اور پیرس میں ایک ساتھ دیکھا گیا۔

رواں سال جون میں پیرس فیشن ویک کے دوران دونوں نے پہلی بار باضابطہ طور پر اپنے تعلقات کا اعتراف کیا، جب انہیں ہاتھوں میں ہاتھ ڈالے ایک ساتھ دیکھا گیا۔