پنجاب میں سیلاب متاثرہ افراد کو ڈھونڈنے کیلئے جدید نظام متعارف

پنجاب کے مختلف اضلاع میں حالیہ بارشوں اور سیلابی صورتحال کے دوران شہریوں اور مویشیوں کو محفوظ مقامات تک منتقل کرنے کیلئے سیف سٹی اتھارٹی نے تھرمل امیجنگ ڈرون ٹیکنالوجی استعمال کی، جسے انتہائی کامیاب قرار دیا گیا۔

حکام کے مطابق پنجاب کا بڑا حصہ پہلے ہی سی سی ٹی وی کی نگرانی میں ہے  اب سیلاب متاثرہ علاقوں میں امدادی کارروائیوں کو مزید مؤثر بنانے کیلئے تھرمل امیجنگ ڈرونز کو شامل کیا گیا ہے۔

یہ خبر بھی پڑھیں :سیلابی صورتحال ، پاکستان بھر میں 911 ایمرجنسی ہیلپ لائن فعال

یہ جدید ٹیکنالوجی سیالکوٹ، سرگودھا، گجرات اور جھنگ سمیت کئی اضلاع میں متاثرہ شہریوں اور مویشیوں کا پتہ لگانے اور انہیں نکالنے کے کام میں استعمال ہو رہی ہے۔

رپورٹ کے مطابق پنجاب سیف سٹی اتھارٹی کی نگرانی میں ڈرون ٹیکنالوجی کے ذریعے اب تک 800 سے زائد متاثرہ افراد کی نشاندہی کر کے انہیں ریسکیو کیا گیا۔

وزیراعلیٰ پنجاب مریم نواز نے بھی سوشل میڈیا پر اس اقدام کو سراہتے ہوئے پی ایس سی اے ٹیم کی کارکردگی کی تعریف کی۔

Since most of the Punjab is now CCTV monitored, thermal imaging drone technology was used to spot & track stranded citizens and livestock in many districts including Sialkot, Sargodha, Gujrat & Jhang. 800 cases were successfully coordinated. Well done Safe City Authority. pic.twitter.com/K682qo7ofR

— Maryam Nawaz Sharif (@MaryamNSharif) August 28, 2025