ملک بھر میں ٹماٹر کی قیمتوں میں ہوشربا اضافہ

ملک کے مختلف شہروں میں ٹماٹر کی قیمت میں اچانک بڑا اضافہ ہو گیا ہے، ایک کلو ٹماٹر کی قیمت 200 روپے سے تجاوز کر  گئی ۔

اسلام آباد کے نواحی علاقوں میں ٹماٹر گزشتہ روز 240 روپے کلو فروخت ہوتا رہا ، راولپنڈی کے مختلف علاقوں میں ٹماٹر کی قیمت 260 روپے تک پہنچ گئی، بہاولپور میں بھی ٹماٹر کی قیمت 200 روپے فی کلو سے بڑھ گئی ہے۔ بہاولپور میں سبزی فروشوں نے خود ساختہ ٹماٹر کی قیمت بڑھا دی، سبزی فروش کا کہنا تھا کہ ہمیں منڈی سے ہی مہنگا مل رہا ہے اسلئے قیمت بڑھائی ہے۔

 فیصل آباد میں ٹماٹر کی فی کلو قیمت 220 روپے سے 250 روپے تک پہنچ گئی ہے، قیمتوں میں 1 سو روپے سے 1 سو 30 روپے فی کلو تک اضافہ ہو گیا ہے۔

یہ بھی پڑھیں : آج سے مزید بارشیں ، سیلاب زدہ علاقوں میں صورتحال بگڑنے کا خدشہ

لاہور میں ٹماٹر کا سرکاری نرخ 125 روپے کلو ہے جبکہ بازار میں 150 روپے فی کلو فروخت ہو رہا ہے، دوسری جانب آلو کی سرکاری قیمت 90 روپے ہے جبکہ بازار میں 120روپے فی کلو میں فروخت ہو رہا ہے۔

پیازسرکاری نرخ70 روپے ہے بازار میں 90 روپے میں کلو فروخت ہو رہا ہے، لہسن سرکاری نرخ 215 ہے جبکہ بازار میں 250 روپے فی کلو میں فروخت ہو رہا ہے، ادرک سرکاری نرخ 460 ہے، بازار میں 600 روپے فی کلو میں فروخت ہو رہی ہے۔

مٹر کا سرکاری ریٹ 240 ہے جبکہ بازار میں 280 روپے فی کلو میں فروخت جاری ہے، کریلے کا سرکاری نرخ 270 روپے ہے جبکہ بازار میں 300 روپے فی کلو میں فروخت ہو رہا ہے، پھول گوبھی کی سرکاری قیمت 110 روپے ہے جبکہ بازار میں 160 روپے کلو میں فروخت ہو رہا ہے۔

یہ بھی پڑھیں : کینیڈا کا ڈیجیٹل نومیڈ ویزا، پاکستانی ریموٹ ورکرز کے لیے شاندار موقع

پھلوں کی بھی مہنگے داموں فروخت جاری ہے، آم کے سرکاری نرخ310 روپے کلو ہیں جبکہ بازارمیں 350روپے کلومیں فروخت ہو رہا ہے، انگورسرکاری نرخ310 روپے ہیں اوربازارمیں 500روپے فی کلو فروخت ہو رہا ہے۔