خیبرپختونخوا میں ایجوکیشن بورڈز میں ملازمتوں کا اعلان کردیا گیا

نوجوانوں کے لیے خوشخبری ، خیبر پختونخوا حکومت نے صوبے کے بورڈ آف انٹرمیڈیٹ اینڈ سیکنڈری ایجوکیشن (BISEs) میں اعلیٰ سطحی عہدوں پر نئی سرکاری ملازمتوں کا اعلان کیا ہے۔

ابتدائی و ثانوی تعلیم کے محکمہ کی جانب سے جاری نوٹیفکیشن کے مطابق، اسٹیبلشمنٹ، ابتدائی و ثانوی تعلیم اور اعلیٰ تعلیم کے محکموں کے مستقل ملازمین ان آسامیوں کے لیے ڈیپوٹیشن (عارضی تقرری) کی بنیاد پر درخواست دے سکتے ہیں۔

یہ بھی پڑھیں : محکمہ موسمیات کی سندھ میں 7 سے 10 ستمبر تک شدید بارشوں کی پیشگوئی

مخصوص آسامیوں میں چیئرمین: بی آئی ایس ای ایبٹ آباد اور مالاکنڈ،  سیکرٹری: بی آئی ایس ای بنوں اور سوات کنٹرولر امتحانات: بی آئی ایس ای بنوں شامل ہیں۔

اہلیت کے لیے شرائط درج ذیل ہیں ، درخواست دہندہ متعلقہ BPS اسکیل میں مستقل سرکاری ملازم ہو، درخواست کی آخری تاریخ تک عمر 56 سال سے کم ہو، امیدوار کے خلاف کوئی زیر التواء انضباطی کارروائی نہ ہو۔

محکمہ کے مطابق تقرریاں شفاف میرٹ سسٹم کے تحت کی جائیں گی جس میں پیشہ ورانہ تجربہ، متعلقہ تربیت، تعلیمی قابلیت اور کارکردگی رپورٹس کو مدنظر رکھا جائے گا۔ شارٹ لسٹ کیے گئے امیدواروں کا مقابلہ جاتی انٹرویو لیا جائے گا ۔

جس میں ان کی تکنیکی مہارت، قائدانہ صلاحیت، نظم و نسق، ابلاغ اور مسئلہ حل کرنے کی اہلیت کا جائزہ لیا جائے گا۔

یہ بھی پڑھیں : ڈرائیونگ لائسنس بنوانے والوں کے لیے اہم خبر

واضح رہے کہ محکمہ نے تمام اہل امیدواروں پر زور دیا ہے کہ وہ فوری طور پر درخواست دیں اور تعلیمی شعبے میں جاری اصلاحات کا حصہ بنیں۔

خیبرپختونخوا کے ایجوکیشن بورڈز میں حالیہ ملازمتوں کا اعلان صوبے کے تعلیم یافتہ نوجوانوں کے لیے ایک بہترین موقع ہے،  اگر آپ اپنی قابلیت کو سرکاری سطح پر منوانا چاہتے ہیں اور ایک مستحکم مستقبل کے خواہاں ہیں تو اس موقع کو ہرگز ضائع نہ کریں۔

یاد رکھیں، ایک قدم آپ کو کامیاب کیریئر کی طرف لے جا سکتا ہے — بس پہل آپ نے کرنی ہے!