سیلاب سے متاثرہ علاقوں میں پاک فوج کی امدادی کارروائیاں جاری

پنجاب میں حالیہ سیلاب کے باعث لاہور، قصور اور گردونواح کے علاقے شدید متاثر ہوئے ہیں  جس کے بعد پاک فوج اور مقامی انتظامیہ کی جانب سے متاثرہ علاقوں میں مشترکہ ریسکیو اینڈ ریلیف آپریشن جاری ہے۔

پاک فوج کے جوانوں نے دریائے ستلج اور راوی کے اطراف سیلاب سے متاثرہ بستیوں میں کشتیوں کے ذریعے درجنوں خاندانوں کو محفوظ مقامات پر منتقل کیا۔

یہ خبر بھی پڑھیں :بھارتی آبی جارحیت کے بعد دریائے ستلج میں اونچے درجےکا سیلاب،متعدد بند ٹوٹ گئے

متاثرین کے لیے قائم فلڈ ریلیف کیمپس میں خوراک، صاف پانی اور ادویات فراہم کی جا رہی ہیں  جبکہ پاک فوج کی جانب سے فری میڈیکل کیمپس بھی لگائے گئے ہیں جہاں مریضوں کو علاج اور ضروری سہولتیں دی جا رہی ہیں۔

تمام متعلقہ محکمے دن رات متاثرین کی خدمت میں مصروف ہیں  اس موقع پر متاثرہ خاندانوں نے پاک فوج کے جوانوں کے جذبۂ خدمت اور قربانیوں کو بھرپور خراجِ تحسین پیش کیا اور کہا کہ مشکل کی اس گھڑی میں فوج عوام کے شانہ بشانہ کھڑی ہے۔