مسلم رہنماؤں کی صدر ٹرمپ سے ملاقات ، غزہ میں فوری جنگ بندی کا مطالبہ، مشترکہ اعلامیہ جاری

امریکی صدر ڈونلڈ ٹرمپ سے متعدد مسلم ممالک کے رہنماؤں نے اہم ملاقات کی، جس کے بعد جاری کردہ مشترکہ اعلامیے میں غزہ میں جاری جنگ کے فوری خاتمے پر زور دیا گیا ہے۔

اعلامیے کے مطابق مسلم رہنماؤں نے صدر ٹرمپ سے درخواست کی کہ وہ اپنا اثر و رسوخ استعمال کر کے غزہ میں جنگ رکوانے میں کلیدی کردار ادا کریں۔ رہنماؤں نے کہا کہ فلسطینی عوام کی جبری بے دخلی کسی بھی صورت قبول نہیں اور موجودہ صورتحال اسلامی دنیا میں گہرا صدمہ پیدا کر رہی ہے۔

اعلامیے میں یہ بھی کہا گیا کہ غزہ میں انسانی بحران انتہا کو پہنچ چکا ہے اور حالات ناقابلِ برداشت ہو چکے ہیں۔ اس موقع پر مسلم رہنماؤں نے صدر ٹرمپ کی قائدانہ صلاحیتوں کو سراہا اور انہیں اپنا مکمل تعاون فراہم کرنے کی یقین دہانی کرائی۔

رہنماؤں کا ماننا تھا کہ اگر صدر ٹرمپ مداخلت کریں تو وہ غزہ میں جنگ بندی کروا سکتے ہیں، اور اعلامیے میں امید ظاہر کی گئی کہ امریکہ مسئلۂ فلسطین کے پائیدار حل کی جانب مثبت قدم اٹھائے گا۔

یہ بھی پڑھیں: صدر ٹرمپ کی مسلم ممالک کے سربراہان سے ملاقات، امریکی صدر اور وزیرِ اعظم کے مابین خوشگوار ماحول میں غیر رسمی گفتگو