پاکستان سٹاک مارکیٹ میں نیا ریکارڈ ، انڈیکس ایک لاکھ 65 ہزار سے تجاوز

پاکستان سٹاک میں آج پھر شاندار کاروبار کا آغاز ، سرمایہ کاروں کا اعتماد بحال ہونے سے پاکستان سٹاک مارکیٹ میں آئے روز ریکارڈ ٹوٹنے کا سلسلہ برقرار ہے۔

تفصیلات کے مطابق کاروباری ہفتے کے دوسرے روز بھی کاروبار کے آغاز پر سٹاک ایکسچینج میں زبردست تیزی دیکھنے میں آئی جس سے ہنڈرڈ انڈیکس پہلی بار ایک لاکھ 65 ہزار پوائنٹس کی حد بھی عبور کر گیا۔

یہ بھی پڑھیں : پاکستانی معیشت ترقی کی راہ پر گامزن، قدرتی آفات خطرہ قرار ، ایشیائی ترقیاتی بینک

سٹاک مارکیٹ میں انڈیکس 1200 سے زائد پوائنٹس کے اضافے کے ساتھ ایک لاکھ 65 ہزار 115 پوائنٹس کی بلند ترین سطح پر پہنچ گیا ہے۔

واضح رہے کہ گزشتہ کاروباری دن کے اختتام پر سٹاک ایکسچینج میں ہنڈرڈ انڈیکس ایک لاکھ 63 ہزار 847 پوائنٹس کی سطح پر بند ہوا تھا۔