آٹے کی قیمت میں بڑا اضافہ، شہری پریشان

صوبائی دارالحکومت پشاور میں آٹے کی قیمت ایک بار پھر بڑھ گئی ہے۔ ایک ہفتے کے دوران 20 کلو آٹے کے تھیلے کی قیمت میں 100 روپے کا اضافہ ریکارڈ کیا گیا۔

آٹا ڈیلرز ایسوسی ایشن کے مطابق مکس آٹے کا 20 کلو تھیلا 2400 روپے جبکہ فائن آٹے کا 20 کلو تھیلا 2600 روپے کا ہو گیا ہے۔

میڈیا رپورٹ کے مطابق پنجاب حکومت کے اعلانات اور دعوؤں کے باوجود سرگودھا میں آٹے کی قیمتوں میں مسلسل اضافہ جاری ہے۔ ذرائع کے مطابق سفید آٹے کے گٹو کی قیمت میں 20 روپے اور سرخ آٹے کے گٹو کی قیمت میں 10 روپے تک اضافہ ہوا ہے۔

رپورٹ کے مطابق شہر اور ضلع بھر کے بیشتر مقامات پر آٹا سرکاری نرخوں پر دستیاب نہیں ہے۔ اس صورتحال پر شہریوں نے شدید تشویش کا اظہار کرتے ہوئے ارباب اختیار سے فوری نوٹس لینے کا مطالبہ کیا ہے۔

یہ بھی پڑھیں: پاکستان سٹاک مارکیٹ میں نیا ریکارڈ ، انڈیکس ایک لاکھ 65 ہزار سے تجاوز