آئی سی سی ویمنز ورلڈ کپ :  اتوار کو پاکستان اور بھارت ایک بار پھر مدمقابل

آئی سی سی ویمنز ورلڈ کپ میں پاکستان اور بھارت کی ٹیمیں اتوار کو مدمقابل ہونگی ۔

دونوں ٹیموں کے درمیان یہ ہائی وولٹیج میچ 5 اکتوبر کو سہ پہر 3 بجے شروع ہوگا ،  یہ میچ آپریشن سندور کے بعد کے واقعات اور ایشیا کپ میں ہاتھ نہ ملانے کے تنازع کی وجہ سے بڑے پیمانے پر توجہ کا حامل رہے گا۔

یاد رہے کہ ایشیا کپ کا 17 واں ایڈیشن حال ہی میں اختتام کو پہنچا ہے ،  بھارت نے 28 ستمبر بروز اتوار فائنل میچ میں پاکستان کو 5 وکٹوں سے شکست دے کر نویں بار ایشیا کپ جیتا۔

یہ بھی پڑھیں : ایشیا کپ فائنل، پاکستانی ٹیم کا میچ فیس بھارتی حملے کے شہدا کے نام کرنے کا اعلان

اس ٹورنامنٹ میں بھارت اور پاکستان کی ٹیمیں ایک بار نہیں بلکہ تین بار آمنے سامنے آئیں تاہم اب بھارت اور پاکستان ایک مرتبہ پھر اتوار کو ٹکرائیں گے۔

آئی سی سی ویمنز ون ڈے ورلڈ کپ میں پاکستان اور بھارت کی ٹیمیں آمنے سامنے ہوں گی۔

 پاکستانی ٹیم ٹورنامنٹ کا آغاز کل  بنگلہ دیش کےخلاف میچ سے کرے گی ، دونوں ٹیمیں کولمبو میں 2:30 بجے آمنے سامنے ہوں گی ْ۔

یہ ون ڈے ایونٹ 34 دنوں تک جاری رہے گا جس میں 31 میچز شامل ہیں ، ٹورنامنٹ کا فائنل 2 نومبر کو کھیلا جائے گا۔

یہ بھی پڑھیں : جنگ کو کھیل سے جوڑنا مایوسی کی علامت ہے ، محسن نقوی کا مودی کو دوٹوک جواب

اس ورلڈ کپ  کے مقابلے بھارت اور سری لنکا میں 5 مختلف مقامات پر منعقد ہوں گے ،  پاکستان ویمنز کرکٹ ٹیم کی تمام کھلاڑیوں کا عزم بلند ہے ، پاکستان کے میچز سری لنکا میں ہوں گے۔