پنجاب حکومت کا چھوٹی عمارتوں میں قائم سکولز سے متعلق بڑا فیصلہ

پنجاب ایجوکیشن فاؤنڈیشن (پی ای ایف) نے دس مرلے سے چھوٹی عمارتوں میں قائم تمام سکولوں کو بند کرنے کی ہدایت کی ہے۔

تفصیلات کے مطابق پنجاب ایجوکیشن فاؤنڈیشن (پی ای ایف) نے پنجاب حکومت کی ہدایات پر صوبے میں دس مرلے سے چھوٹی عمارتوں میں قائم تمام سکولوں کو بند کرنے کی ہدایت کی ہے۔

نئی پالیسی کے مطابق، کم سائز کے احاطے پر چلنے والے اداروں کو یا تو بڑی عمارتوں میں منتقل ہونا چاہیے یا کم از کم زمین کی ضرورت کو پورا کرنے کے لیے اپنی موجودہ سہولیات کو بڑھانا چاہیے۔

اس حوالے سے پنجاب ایجوکیشن فاؤنڈیشن کی جانب سے اسکول مالکان کو دو ماہ کی ڈیڈ لائن دی گئی ہے، جو کہ 10 نومبر کو ختم ہوتی ہے، اگر توسیع ممکن نہیں ہے تو، اسکولوں کو ایک نئی جگہ پر منتقل ہونے اور پی ای ایف حکام کو فوری طور پر مطلع کرنے کی ضرورت ہوگی۔

اس کے بعد فاؤنڈیشن باضابطہ منظوری دینے سے پہلے تعمیل کی تصدیق کے لیے معائنہ کرے گی۔