ندیم افضل چن کے بیان سے متعلق سوشل میڈیا پر شیئر کیا جانے والا آزاد ڈیجیٹل کا لیبل لگا پوسٹر جعلی ہے، آزاد فیکٹ چیک

آزاد فیکٹ چیک نے سوشل میڈیا پر آن لائن گردش کرنے والے ایک ایسے جعلی پوسٹر کے بارے میں خبردار کیا ہے جو غلط طور پر ’آزاد ڈیجیٹل‘ کے ساتھ منسوب کیا گیا ہے۔ یہ پوسٹر سوشل میڈیا پلیٹ فارمز ’ایکس‘ پر وسیع پیمانے پر شیئر کیا جا رہا ہے۔

یہ بھی پڑھیں:رہنما پیپلز پارٹی ندیم افضل چن نے پی پی -52 سمبڑیال کے ضمنی انتخابات کو فراڈ قرار دے دیا

اتوار کو سوشل میڈیا پر شیئر کیے جانے والا جعلی پوسٹر پاکستان پیپلز پارٹی (پی پی پی) کے رہنما ندیم افضل چن کا ہے جس پر تحریر ہے کہ ’خصوصی نشستوں کی بندر بانٹ کے بعد سے ن لیگ اور فیلڈ مارشل صاحب پیپلز پارٹی کے ساتھ وہی سلوک کر رہے ہیں جو فیلڈ مارشل کی بہن مریم نواز صاحبہ اپنے شوہرِ مجبور کیپٹن صفدر کے ساتھ کر رہی ہیں‘۔

🚨 Azaad Fact Check has identified the circulation of a fake poster falsely labeled as being from Azaad Digital.
This poster was not created by Azaad Digital, and Nadeem Afzal Chan never made these remarks.
Every genuine poster from Azaad includes a “Fake Checker” label in the… https://t.co/b06r6BH0zJ pic.twitter.com/ixbBRVNjQB

— Azaad Fact Check (@azaadfactcheck) October 5, 2025

آزاد فیکٹ چیک کے مطابق یہ پوسٹر جعلی ہے، جو کہ صحافتی ادارے ’آزاد ڈیجیٹل‘ کے لیبل کے ساتھ شیئر کیا جا رہا ہے، جیسا کہ پوسٹر کی ’زبان ‘ سے بخوبی اندازہ لگایا جا سکتا ہے کہ آزاد ڈیجیٹل ایک معتبر صحافتی ادارہ ہے، جو اس طرح کی زبان کسی بھی طور پر استعمال نہیں کر سکتا، آزاد فیکٹ چیک نے واضح کیا ہے کہ یہ ’پوسٹر‘ جعلی ہے اور اسے ایسے لوگ شیئر کر رہے ہیں جو پاکستان پیپلز پارٹی اور پاکستان مسلم لیگ ن کے درمیان دراڑیں ڈالنے کے لیے کوشاں ہیں۔

آزاد فیکٹ چیک نے وضاحت کی ہے کہ یہ متنازع پوسٹر آزاد ڈیجیٹل کی جانب سے نہیں بنایا گیا، اور ندیم افضل چن کے نام پر جو بیانات درج ہیں، وہ بالکل غلط اور بے بنیاد ہیں اور انہوں نے کبھی بھی ایسا کوئی بیان نہیں دیا۔

مزید پڑھیں: افواج پاکستان نے دشمن کو منہ توڑ جواب دیکرقوم کا سر فخر سے بلند کر دیا ، ندیم افضل چن

جعلی اور اصلی مواد کے فرق کو واضح کرنے کے لیے، آزاد ڈیجیٹل نے تصدیق کی کہ ان کے تمام اصلی پوسٹرز کے نیچے بائیں کونے میں ‘فیک چیکر’ کا لیبل ہوتا ہے، جو ماخذ کی نشاندہی کرتا ہے اور معلومات کی درستی کی علامت ہے۔

آزاد ڈیجیٹل سوشل میڈیا صارفین اور عام لوگوں سے اپیل کرتا ہے کہ وہ ایسی معلومات شیئر کرنے سے پہلے احتیاط کریں اور صرف مستند ذرائع سے حاصل شدہ تصدیق شدہ معلومات پر ہی بھروسہ کریں۔ یہ ادارہ غلط معلومات کے خلاف مسلسل کام کر رہا ہے اور مشتبہ پوسٹس کی رپورٹنگ کی درخواست کرتا ہے تاکہ اصل حقائق کی سالمیت برقرار رکھی جا سکے۔