کوئٹہ اور گردونواح میں زلزلے کے شدید جھٹکے

بلوچستان کے دارالحکومت کوئٹہ اور اس کے گردونواح میں آج زلزلے کے شدید جھٹکے محسوس کیے گئے  جن سے مقامی لوگوں میں خوف و ہراس پھیل گیا۔

زلزلہ پیما مرکز کے مطابق زلزلے کی شدت 5.0 ریکٹر اسکیل پر ریکارڈ کی گئی جبکہ اس کی گہرائی تقریباً 25 کلومیٹر تھی۔

زلزلے کا مرکز کوئٹہ سے تقریباً 65 کلومیٹر مغرب میں واقع تھا،زلزلے کے جھٹکوں کے بعد کئی شہری گھروں اور عمارتوں سے باہر نکل آئے۔

ابتدائی اطلاعات کے مطابق کسی جانی یا مالی نقصان کی خبر موصول نہیں ہوئی،۔ مقامی انتظامیہ نے صورتحال پر نظر رکھنے کے لیے الرٹ جاری کر دیا ہے اور شہریوں سے اپیل کی ہے کہ وہ گھبراہٹ میں افواہوں پر یقین نہ کریں اور حفاظتی اقدامات اختیار کریں۔