اسلاموفوبیا سے نمٹنے کیلئے عالمی سطح پر بروقت اقدامات وقت کی اہم ضروت

 اسلاموفوبیا سے نمٹنے کیلئے عالمی سطح پر بروقت اقدامات وقت کی اہم ضروت ہیں جبکہ مغربی میڈیا کا دہشت گردی کے حوالے سے دہرا معیار کھل کر سامنے آ گیا۔

مسلمانوں کے خلاف دہشت گردی اور نفرت انگیزی کے واقعات کو غیر ملکی میڈیا مخصوص زاویہ سے پیش کرتا ہے، اسلاموفوبیا اب کئی مغربی معاشروں میں ایک انتہائی پیچیدہ مسئلہ بن چکا ہے۔

بی بی سی کے مطابق برطانیہ کے جنوبی ساحلی قصبے پیس ہیون میں مسجد کو آگ لگا دی گئی ، برطانوی پولیس نے کہا کہ آگ نے مسجد کے دروازے اور باہر کھڑی گاڑیوں کو نقصان پہنچایا، دو نقاب پوش افراد نے مسجد کا دروازہ توڑنے کی کوشش کی۔

بی بی سی نیوز نے برطانیہ میں مسجد پر دہشتگردانہ حملے کو محض ایک نفرت انگیز جرم قراردیا جبکہ امریکی نشریاتی ادارے سی این این نے بھی مسجد پر دہشت گرد حملے کوپرتشدد حملہ قرار دیا۔

یہ بھی پڑھیں :غزہ میں جنگ بندی اور یرغمالیوں کی رہائی کا معاہدہ طے پاگیا، ڈونلڈ ٹرمپ

عالمی جریدے دی گارڈین نے بھی مسلمانوں کے خلاف دہشت گردی کے واقعے کو ایک آگ لگنے کا واقعہ قرار دیا ، دہشت گردی کے واقعہ پر برطانوی اعلیٰ حکومتی عہدیداران کے واضح مذمتی بیانات بھی منظرعام پر نہیں آئے۔

مغربی میڈیا میں دہشت گردی کے اس افسوسناک واقعہ کی واضح کوریج سامنے نہیں آئی، مسلمانوں کی عبادت گاہوں کو تحفظ فراہم کرنا مقامی حکومتوں کی ذمہ داری ہے۔

اقوام متحدہ اور انسانی حقوق کے دیگر اداروں کو مغرب میں مسلمانوں کے خلاف تعصب پرموثرحکمت عملی اپنانا ہوگی۔