سونے کی قیمت میں مزید ہزاروں روپے کا اضافہ

کراچی: سونے کی قیمت میں ایک بار پھر نمایاں اضافہ ریکارڈ کیا گیا ہے، جس کے بعد سونے کی قیمت ملکی تاریخ کی نئی بلند ترین سطح پر پہنچ گئی ہے۔

آل پاکستان جیمز اینڈ جیولرز ایسوسی ایشن کے مطابق آج ملک بھر کی صرافہ مارکیٹوں میں 24 قیراط فی تولہ سونے کی قیمت میں 5 ہزار 400 روپے کا اضافہ ہوا، جس کے بعد اس کی نئی قیمت 4 لاکھ 15 ہزار 278 روپے مقرر کی گئی ہے۔

اسی طرح 24 قیراط کے 10 گرام سونے کی قیمت میں بھی 4 ہزار 629 روپے کا نمایاں اضافہ دیکھا گیا، جس کے بعد اس کی قیمت 3 لاکھ 56 ہزار 33 روپے ہو گئی ہے۔