معرکہ حق میں بھارت ہمارا کوئی طیارہ نہیں گرا سکا ، ڈی جی آئی ایس پی آر

ڈی جی آئی ایس پی آر لیفٹیننٹ جنرل احمد شریف چودھری نے کہا ہے کہ  معرکہ حق میں بھارت  پاکستان کا کوئی بھی طیارہ نہیں گرا سکا،ایک ہفتہ قبل امریکی صدر ڈونلڈ ٹرمپ 7 بھارتی طیارےمارگرائےجانےکی تصدیق کرچکے ہیں۔

 پاک فوج کےشعبہ تعلقات عامہ( ڈی جی آئی ایس پی آر ) نے غیرملکی جریدے بلومبرگ کو انٹرویو میں کہا کہ پاکستان نے کبھی اعدادوشمار یا حقایق چھپانے کی کوشش نہیں کی ، ہماری فوجی ترقیاتی حکمت عملی ہمیشہ موثر اور کارگر پلیٹ فارمز اور اندرونی پاکستانی ٹیکنالوجی کو شامل کرنا رہی ہے۔

یہ بھی پڑھیں : ڈی جی آئی ایس پی آرکی 50 سینئر ترین صحافیوں سے طویل نشست،غزہ اور کشمیر پر دوٹوک موقف

انہوں نے کہا کہ ہم ہرقسم کی ٹیکنالوجی چاہےوہ خود ساختہ ہویا مشرقی اورمغربی ہو کے حصول کے لیے تیار رہتے ہیں، پاکستان بھارت کے ساتھ ہتھیاروں کی دوڑ میں  شامل نہیں ہے۔

بلومبرگ نے اپنی رپورٹ میں کہا کہ معرکہ حق میں پاکستان کے چینی ساختہ جے 10 سی  نے رافیل سمیت متعدد بھارتی فضائیہ کے طیارے مار گرائے۔

ڈی جی آئی ایس پی آر نےمعرکہ حق میں پاکستانی ہتھیاروں بشمول پاکستانی افواج میں شامل چینی پلیٹ فارمز کی مؤثر کارکردگی کی توثیق کی۔

بلومبرگ کےمطابق اگست میں پاکستان نےزی 10 ایم ای حملہ آورہیلی کاپٹرکوبھی اپنےہتھیاروں میں شامل کرنےکا اعلان کیا،پاکستان چینی ہتھیاروں کےساتھ ساتھ امریکی ساختہ ایف سولہ طیاروں کا استعمال بھی کرتا ہے۔