معرکہ حق میں پاکستان سے شکست کے بعد بھارتی عسکری قیادت بوکھلاہٹ کا شکار

معرکہ حق میں پاکستان سے بدترین شکست کے بعد بھارتی عسکری قیادت بوکھلاہٹ کا شکار ہوچکی ہے، غیر سنجیدہ اور غیر پیشہ ورانہ طرز عمل کی وجہ سے بھارتی عسکری قیادت کی جگ ہنسائی جاری ہے ۔

بھارتی ایئرچیف  کا غیر ذمہ دارانہ اورمضحکہ خیز بیانات دینا وطیرہ بن چکا ہے ، بھارتی ایئر چیف نے پریس کانفرنس کے دوران کہا  کہ بھارت کے کتنے طیارے گرے میں آج بھی اس کے بارے میں  کچھ نہیں بولا اور نہ میں بولنا چاہوں گا ، اگر وہ سوچتے ہیں کہ انہوں نے ہمارے 15طیارے گرائے تو سوچنے دو ، ہمیں کچھ نہیں بتانا چاہیے کہ کتنا نقصان ہوا ۔

بھارتی ائیر چیف کا مزید کہنا تھا کہ ہم بھی تو چیزیں کُریدکُرید کر نکال رہے ہیں کہ ہم کیا کر پائے  ۔

یہ بھی پڑھیں : معرکہ حق میں بھارت ہمارا کوئی طیارہ نہیں گرا سکا ، ڈی جی آئی ایس پی آر

بھارتی ایئر چیف کی پاک فضائیہ کے ہاتھوں طیاروں کی تباہی پر خاموشی ایک طرح کا اعتراف ہے، امریکی صدر ڈونلڈ ٹرمپ  بھی بھارت کے طیارے گرائے جانے کی تصدیق کرچکے ہیں ۔

جنگی جنون میں مبتلا  بھارتی فوجی قیادت کی پیشہ ورانہ قابلیت پہلے ہی دنیا کے سامنے آچکی ہے۔