معروف اسمارٹ فون کمپنی ون پلس کا نیا فلیگ شپ فون ون پلس 15 باضابطہ لانچ سے قبل ہی منظر عام پر آگیا ہے۔
رپورٹس کے مطابق ون پلس 15 میں 6.78 انچ کا OLED ڈسپلے دیا گیا ہے جو 165 ہرٹز ریفریش ریٹ اور 1800 نٹس برائٹنس فراہم کرتا ہے، جس سے صارفین کو زیادہ روشن اور ہموار ڈسپلے کا تجربہ ملے گا۔
فون میں سنیپ ڈریگن 8 ایلیئٹ جن 5 چپ سیٹ شامل ہے، جو اسے 2025 کے طاقتور ترین اینڈرائیڈ فونز میں شمار کرے گا۔ بیٹری کو بھی نمایاں طور پر اپ گریڈ کیا گیا ہے جو اب 7300 ایم اے ایچ کی ہوگی۔
کیمرے کے حوالے سے فون میں تین 50 میگا پکسل لینز دیے گئے ہیں، جبکہ IP69 سرٹیفکیشن فون کو دھوئیں اور پانی کے خلاف اضافی تحفظ فراہم کرتا ہے۔
ڈیزائن کے اعتبار سے فون کا سینڈ اسٹورم رنگ سب سے نمایاں ہے۔ اس کا خم دار ڈیزائن اور میٹ فنش اسے جدید اور پریمیم لک فراہم کرتا ہے۔
ذرائع کے مطابق ون پلس 15 کو اکتوبر 2025 میں لانچ کیا جائے گا۔ پاکستان میں اس کی ابتدائی قیمت 1 لاکھ 89 ہزار 999 روپے متوقع ہے جبکہ عالمی مارکیٹ میں اس کی قیمت تقریباً 899 امریکی ڈالر رکھی جانے کا امکان ہے۔
By 
