جنوبی افریقہ کی ٹیسٹ کرکٹ ٹیم پاکستان پہنچ گئی

جنوبی افریقہ کی ٹیسٹ کرکٹ ٹیم لاہور پہنچ گئی ٹیم کا دوسرا گروپ بدھ کی صبح لاہور پہنچے گا، کھلاڑیوں کو سخت حفاظتی انتطامات میں مقامی ہوٹل منتقل کیا گیا۔

تفصیلات کے مطابق جنوبی افریقہ کی ٹیسٹ ٹیم نجی پرواز کے ذریعے علامہ اقبال ایئرپورٹ پہنچی، جہاں اس کا پرتبال استقبال کیا گیا،ٹیم کو سخت سیکیورٹی حصار میں نجی ہوٹل منتقل کیا گیا۔

جنوبی افریقہ کرکٹ ٹیم دورہ پاکستان کے موقع پر دوںوں ٹیموں کے درمیان 2 ٹیسٹ میچز کھیلے جائیں گے۔ پہلا ٹیسٹ 12 اکتوبر سے لاہور میں اور دوسرا 20 اکتوبر سے راولپنڈی میں کھیلا جائے گا۔

پروٹیز اسکواڈ اَیڈن مارکرم کی قیادت میں لاہور ایئر پورٹ پہنچا، پاکستان پہنچنے والے اسکواڈ کے پہلے گروپ میں کگیسوربادہ، ویان ملڈر، زبیر حمزہ، ڈیوڈ بیڈنگھم، کاربن باسچ، سمیت دیگر کھلاڑی اور سپورٹنگ اسٹاف بھی شامل ہے۔

واضح رہے کہ پاک جنوبی افریقہ کی ٹیسٹ کرکٹ ٹیموں کی سیریز کے ٹکٹوں کی آن لائن فروخت شروع ہوگئی ہے۔ اے پی پی کے مطابق شائقین کرکٹ اب اپنی نشستوں کے لیے ٹکٹس آن لائن ویب سائٹ pcb.tcs.com.pk سے حاصل کرسکتے ہیں۔

پاکستان کرکٹ بورڈ (پی سی بی) کے مطابق لاہور اور راولپنڈی میں ہونے والے ٹیسٹ میچز کے لیے جنرل، فرسٹ کلاس، پریمیئم اور وی آئی پی انکلوژرز میں داخلہ بالکل مفت ہوگا تاکہ زیادہ سے زیادہ شائقین کو میدان میں آنے کا موقع مل سکے۔