سیمنٹ کی قیمتوں میں نمایاں کمی

ملک میں سیمنٹ کی ریٹیل قیمتوں میں گزشتہ ہفتے کے دوران کمی دیکھی گئی۔

پاکستان بیورو برائے شماریات کے مطابق 9 اکتوبر کو ختم ہونے والے ہفتے میں شمالی شہروں میں سیمنٹ کی فی بوری کی اوسط ریٹیل قیمت 1372 روپے ریکارڈ کی گئی، جو گزشتہ ہفتے کے مقابلے میں 0.64 فیصد کم ہے۔

پیوستہ ہفتے میں شمالی شہروں میں سیمنٹ کی فی بوری کی اوسط قیمت 1381 روپے رہی تھی۔ اسی طرح جنوبی شہروں میں سیمنٹ کی فی بوری کی اوسط ریٹیل قیمت 1441 روپے ریکارڈ کی گئی، جو گزشتہ ہفتے کے 1449 روپے کے مقابلے میں 0.58 فیصد کم ہے۔

اعداد و شمار کے مطابق گزشتہ ہفتے مختلف شہروں میں سیمنٹ کی فی بوری اوسط قیمت کچھ اس طرح رہی:
اسلام آباد 1345 روپے، راولپنڈی 1346 روپے، گوجرانوالہ 1400 روپے، سیالکوٹ 1370 روپے، لاہور 1408 روپے، فیصل آباد 1380 روپے، سرگودھا 1360 روپے، ملتان 1416 روپے، بہاولپور 1420 روپے، پشاور 1350 روپے اور بنوں میں 1300 روپے فی بوری۔

جنوبی شہروں میں کراچی میں سیمنٹ کی فی بوری اوسط قیمت 1367 روپے، حیدرآباد 1427 روپے، سکھر 1500 روپے، لاڑکانہ 1407 روپے، کوئٹہ 1500 روپے اور خضدار میں 1443 روپے ریکارڈ کی گئی۔

یہ بھی پڑھیں: ملک میں سونا مزید مہنگا ، نئی قیمت تاریخ کی بلند ترین سطح پر پہنچ گئی