سمندری کیبل کی مرمت، انٹرنیٹ سروس متاثر ہونے کا امکان

پی ٹی سی ایل نے کہا ہے کہ سمندری کیبل کی مرمت کے باعث انٹرنیٹ سروس متاثر ہوسکتی ہے۔  

ملک میں انٹرنیٹ سروس سست روی کا شکار ہے، صارفین کو موبائل ڈیٹا پر سوشل میڈیا ایپس تک رسائی میں مشکلات کا سامنا ہے۔ صارفین کو فیس بک، ایکس اور دیگر سوشل میڈیا ایپس پر اپ لوڈنگ میں دشواری کا سامنا کرنا پڑرہا ہے۔

اس حوالے سے پی ٹی سی ایل ترجمان کا بتانا ہے کہ  بین الاقوامی کیبل کنسورشیم نے کیبل میں نصب رپیٹر کی مرمت کا شیڈول جاری کیا ہے، مرمت کا کام 14 اکتوبر کی صبح 11 بجے شروع ہوگا۔

یہ بھی پڑھیں : نیا اسمارٹ فون گلیکسی ایم17 متعارف، طاقتور بیٹری کیساتھ قیمت حیران کن

ترجمان پی ٹی سی ایل کے مطابق مرمت کا کام تقریباً 18 گھنٹے تک جاری رہ سکتا ہے جس کے باعث انٹرنیٹ سروس میں سست روی یا جزوی تعطل کا سامنا ہو سکتا ہے۔

ترجمان پی ٹی سی ایل کے مطابق 14 اکتوبر کو انٹرنیٹ مزید سست اور تعطل کا شکار بھی ہو سکتا ہے، عارضی تکلیف کیلئے صارفین سے معذرت خواہ  ہیں۔