بورڈ آف انٹرمیڈیٹ اینڈ سیکنڈری ایجوکیشن (بی آئی ایس ای) لاہور نے منگل، 14 اکتوبر 2025 کو صبح 10 بجے باضابطہ طور پر 11ویں جماعت کے نتائج کا اعلان کردیا۔ طلبا جو اپنے نتائج کے منتظر تھے، اب مختلف آسان طریقوں سے اپنے مارکس چیک کرسکتے ہیں۔
طلبا باآسانی اپنے نتائج ’بی آئی ایس ای‘ لاہور کی سرکاری ویب سائٹ پر جا کر چیک کرسکتے ہیں۔ نتائج کے پورٹل پر جا کر، ‘کلاس 11ویں کا نتیجہ 2025’ منتخب کریں، اپنا رول نمبر درج کریں اور سبمٹ پر کلک کریں۔ آپ کا نتیجہ فوری طور پر اسکرین پر ظاہر ہوگا، جسے آپ ڈاؤن لوڈ یا پرنٹ بھی کر سکتے ہیں۔
ایس ایم ایس کے ذریعے نتائج
جن طلبا کو انٹرنیٹ کی سہولت میسر نہیں، ان کے لیے ’بی آئی ایس ای‘ لاہور نے ایس ایم ایس کی سہولت بھی فراہم کی ہے۔ بس اپنا رول نمبر 800291 پر بھیجیں اور اپنے موبائل فون پر فوری طور پر نتیجہ حاصل کریں۔
اگر کوئی تکنیکی مسئلہ ہو یا سوالات ہوں تو طلبا ’بی آئی ایس ای‘ لاہور کی ہیلپ لائن 7-924299200192+ رابطہ کر سکتے ہیں۔
’بی آئی ایس ای‘ لاہور کے تحت آنے والے اضلاع
بورڈ درج ذیل اضلاع کے طلبا کے امتحانات اور نتائج کا انتظام کرتا ہے، لاہور، قصور، شیخوپورہ، ننکانہ صاحب شامل ہیں، ان اضلاع کے طلبا جو 11ویں جماعت کے امتحانات میں شامل تھے، اپنے نتائج چیک کر کے تعلیمی سفر کو آگے بڑھا سکتے ہیں۔
قصور، شیخوپورہ، ننکانہ صاحب سے تعلق رکھنے والے جن طلبا کو انٹرنیٹ کی سہولت میسر نہیں، ان کے لیے ’بی آئی ایس ای‘ لاہور نے ایس ایم ایس کی سہولت فراہم کی ہے۔
By 
