شمالی وزیرستان کے علاقے میر علی میں سیکورٹی فورسز نے دہشت گردوں کا ایک بڑا حملہ ناکام بنادیا ہے اور خودکش حملے کی کوشش کرنے والے چار دہشت گرد کارروائی کے دوران ہلاک ہوگئے۔
ذرائع کا کہنا ہے کہ خوارج نے سیکوٹری فورسز کے کیمپ کو نشانہ بنانے کی نیت سے حملے کی منصوبہ بندی کی تھی ایک حملہ آور نے بارود سے بھری گاڑی کیمپ کی دیوار سے ٹکرانے کی کوشش کی جب کہ دیگر تین دہشت گردوں نے موقع کا فائدہ اٹھا کر اندر داخل ہونے کی کوشش کی۔
فورسز نے بروقت جوابی کارروائی کرتے ہوئے تمام حملہ آوروں کو کیمپ کے داخلی مقام پر ہی مار گرایا سیکورٹی حکام کے مطابق اس کارروائی میں فورسز کو کوئی جانی نقصان نہیں ہوا۔
علاقے میں صورتحال مکمل طور پر قابو میں ہے جب کہ سرچ آپریشن جاری ہے تاکہ کسی ممکنہ سہولت کار یا مددگار کو گرفتار کیا جا سکے۔
By 
