By چیئرمین جوائنٹ چیفس آف سٹاف کمیٹی جنرل ساحر شمشاد مرزا نے بنگلہ دیش کا دورہ کیا جہاں عبوری سربراہ محمد یونس سمیت سیاسی و عسکری قیادت سے ملاقاتیں کیں۔
آئی ایس پی آر کے مطابق جنرل ساحر شمشاد مرزا نے بنگلہ دیش کے چیف ایڈوائزر محمد یونس سے ملاقات کی، بحریہ کے سربراہ ایڈمرل محمد نظم الحسن اور فضائیہ کے سربراہ ائیر چیف مارشل حسن محمود خان سے بھی ملاقاتیں کیں۔
جنرل ساحر شمشاد مرزا نے بنگلہ دیش کی مسلح افواج ڈویژن کے پی ایس او لیفٹیننٹ جنرل ایس ایم قمر الحسن سے بھی ملاقات کی۔
پاک فوج کے شعبہ تعلقات عامہ کے مطابق جنرل ساحر شمشاد مرزا کی بنگلہ دیش کی عسکری و سیاسی قیادت سے ملاقاتوں میں علاقائی اور عالمی صورتحال اور سلامتی کے امور پر تبادلہ خیال ہوا، دفاع اور سکیورٹی کے شعبے میں تعاون بڑھانے پر زور دیا گیا۔
جنرل ساحر شمشاد مرزا نے بنگلہ دیش کے ساتھ تعلقات کو مضبوط بنانے کی پاکستان کی خواہش کو دہرایا، انہوں نے خود مختاری اور باہمی احترام کی بنیاد پر تعلقات کو مضبوط بنانے کے عزم کا اعادہ بھی کیا۔
یہ خبر بھی پڑھیں :فوج نہیں لڑتی بلکہ قوم لڑتی ہے، پاکستانی قوم بھرپور طریقے سے لڑی اور اللہ نے عزت دی، جنرل ساحر شمشاد مرزا
آئی ایس پی آر کے مطابق ملاقاتوں میں دفاع اور سلامتی کے امور میں تعاون بڑھانے پر اتفاق کیا گیا، سطح پر تعاون اور دیگر سرگرمیوں کو فروغ دینے پر بھی اتفاق کیا گیا۔
اس موقع پر بنگلہ دیش کی سول اور عسکری قیادت نے پاکستان کی مسلح افواج کے پیشہ وارانہ صلاحیتوں کے معیار کو سراہا، دہشتگردی کے خلاف جنگ میں پاک فوج کی قربانیوں اور کامیابیوں کی تعریف بھی کی۔
بنگلہ دیش کے دورہ کے دوران میں جنرل ساحر شمشاد مرزا نے سلہٹ میں انفنٹری اور ٹیکٹس سکول کا بھی دورہ کیا، اساتذہ اور طلبہ سے ملاقات بھی کی۔
آئی ایس پی آر کے مطابق سیناکنجو پہنچنے پر چاک و چوبند دستے نے جنرل ساحر شمشاد مرزا کو سلامی پیش کی، چیئرمین جوائنٹ چیفس آف سٹاف کمیٹی نے شیکھا آنیربن پر بھول بھی چڑھائے۔
🚨چیئرمین جوائنٹ چیفس آف سٹاف کمیٹی جنرل ساحر شمشاد مرزا کا بنگلہ دیش کا سرکاری دورہ، چیف ایڈوائزر محمد یونس اور بنگلہ دیشی عسکری قیادت سے ملاقاتیں، دفاعی و سیکیورٹی تعاون مزید مضبوط بنانے پر اتفاق۔۔۔ pic.twitter.com/xr6U5E93uK
— Azaad Urdu (@azaad_urdu) October 27, 2025
