بین الاقوامی میڈیا کیلئے مشرف زیدی وزیراعظم کے ترجمان مقرر

بین الاقوامی میڈیا کیلئے مشرف زیدی وزیراعظم کے ترجمان مقرر کردئیے گئے ہیں اور اس حوالے سے باضابطہ نوٹیفکیشن جاری کر دیا گیا ہے۔

وفاقی وزیرِ اطلاعات عطاء اللہ تارڑ نے اس تعیناتی پر مشرف علی زیدی کو مبارکباد پیش کرتے ہوئے کہا کہ اُن کی شمولیت وزیراعظم کی میڈیا ٹیم کیلئے ایک قیمتی اضافہ ثابت ہوگی۔

Many congratulations @mosharrafzaidi

Welcome on board brother. A great addition to our team. Its been great working with you these past few months, looking forward to continue this teamwork. Lets take Pakistan’s narrative notches higher inshaaAllah pic.twitter.com/rEzCBoyiIm

— Attaullah Tarar (@TararAttaullah) November 2, 2025

سماجی رابطے کی ویب سائٹ ایکس پر اپنے پیغام میں عطاء اللہ تارڑ نے لکھا کہ مشرف زیدی کے ساتھ گزشتہ چند ماہ کے دوران کام کرنا ایک شاندار تجربہ رہا ہے اور میں اس اشتراک کے تسلسل کا منتظر ہوں۔

وزیرِ اطلاعات نے مزید کہا کہ ٹیم ورک کے جذبے کے ساتھ ہم پاکستان کے مؤقف کو عالمی سطح پر مزید مؤثر انداز میں اجاگر کرتے رہیں گے۔مشرف زیدی بین الاقوامی میڈیا سے پاکستان کے تعلقات اور حکومتی مؤقف کی نمائندگی میں کلیدی کردار ادا کریں گے۔

اُن کا تقرر وزیراعظم آفس کے میڈیا و کمیونیکیشن اسٹریٹجی کے دائرہ کار میں کیا گیا ہے مشرف علی زیدی مختلف بین الاقوامی اداروں اور تھنک ٹینکس سے وابستہ رہ چکے ہیں اور پاکستان میں پالیسی امور، تعلیم اور سفارتی حکمتِ عملی پر گہری گرفت رکھتے ہیں۔