ملک کے مختلف حصوں میں تیز ہواؤں کیساتھ بارش اور برفباری کا امکان

محکمہ موسمیات نے ملک کے مختلف حصوں میں تیز ہواؤں اور گرج چمک کے ساتھ بارش اور برفباری کی پیشگوئی کر دی۔

 محکمہ موسمیات کے مطابق بالائی خیبرپختونخوا، شمال مشرقی پنجاب، خطہ پوٹھوہار، اسلام آباد، گلگت بلتستان اور کشمیر میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

 اس دوران بالائی خیبرپختونخوا، شمال مشرقی پنجاب ا ور خطہ پوٹھوہار میں چند مقامات پر ژالہ باری بھی ہونے کا امکان ہے، ملک کے دیگر وسطی/جنوبی علاقوں میں موسم خشک رہنے کی توقع ہے۔

  محکمہ موسمیات کے مطابق ملک کے بالائی علاقوں میں پہاڑوں پر برفباری اور لینڈ سلائیڈنگ کا امکان ہے، ژالہ باری اورگرج چمک کے باعث کمزور انفراسٹرکچر کو نقصان پہنچنے کا اندیشہ ہے۔

یہ بھی پڑھیں : پنجاب : سموگ میں خطرناک اضافہ، مختلف شہروں کی فضا انتہائی مضر صحت قرار

اسلام آباد اور گرد و نواح میں گرج چمک کے ساتھ بارش کا امکان ہے، راولپنڈی، اٹک، جہلم، منگلا، چکوال، تلہ گنگ، میانوالی، خوشاب، سرگودھا، وزیرآباد، گوجرانوالہ، گجرات، سیالکوٹ، لاہور، نارووال، قصور، شیخو پورہ اور گرد و نواح میں بارش متوقع ہے۔

محکمہ موسمیات کے مطابق چترال، دیر، سوات، کوہستان، مالم جبہ، کالام، ایبٹ آباد، پشاور، مانسہرہ، ہری پور، بٹگرام، کوہستان، صوابی، مردان، نوشہرہ، چارسدہ، کوہاٹ، ہنگو، کرک، باجوڑ، خیبر، اورکزئی اورکرم میں بارش ہونے کی توقع ہے۔

وزیرستان میں چند مقامات پر تیز ہواؤں اور گرج چمک کے ساتھ بارش کا امکان ظاہر کیا گیا ہے۔

محکمہ موسمیات کے مطابق سندھ اور بلوچستان کے بیشتر اضلاع میں موسم خشک اورسرد رہنے کا امکان ہے، گلگت بلتستان میں تیز ہواؤں اور گرج چمک کے ساتھ بارش جبکہ آزادکشمیرمیں تیز ہواؤں اور گرج چمک کے ساتھ بارش اور پہاڑوں پر برفباری ہونے کی پیشگوئی کی گئی ہے۔

یہ بھی پڑھیں:موسم سرما کی بارشیں کب شروع ہورہی ہیں، محکمہ موسمیات نے نئی پیش گوئی کردی، پہاڑوں پربرفباری کا بھی امکان

گزشتہ  چوبیس گھنٹوں کے دوران ملک کے بیشتر علاقوں میں موسم خشک جبکہ پہاڑی علاقوں میں سرد رہا ، پنجاب کے بیشتر اضلاع سموگ کی لپیٹ میں رہے ۔