پاکستان سٹاک ایکسچینج میں کاروبار کامثبت رجحان، ڈالر سستا

پاکستان اسٹاک ایکسچینج میں کاروبار میں تیزی کے باعث انڈیکس نے ایک بار پھر ایک لاکھ ، 60 ہزار کی حد عبور کر لی ، تبادلہ مارکیٹ میں ڈالر کی قیمت میں بھی کمی ہوئی۔

کاروباری ہفتے کے چوتھے روز اسٹاک مارکیٹ میں تیزی کا رجحان دیکھا گیا ، کاروبار کے آغاز پر 100 انڈیکس میں 793 پوائنٹس کا اضافہ ہوا جس سے انڈیکس ایک لاکھ 60 ہزار 371 پوائنٹس پر پہنچ گیا۔

یہ بھی پڑھیں:پاکستان اسٹاک ایکسچینج نےکاروبارشروع ہوتے ہی نئی تاریخ رقم کردی

گزشتہ روز بھی پہلے سیشن میں کاروبار مثبت رہا تھا تاہم کاروبار کے اختتام پر بازار حصص کے 100 انڈیکس میں 1703 پوائنٹس کی کمی ریکارڈ کی گئی۔

دوسری جانب انٹر بینک میں ڈالر کی قیمت کم ہوئی ہے ، ایکسچینج کمپنیز ایسوسی ایشن کے مطابق انٹر بینک میں 6 پیسے سستا ہونے کے بعد ڈالر280 روپے 80 پیسے کا ہو گیا۔

مزید پڑھیں:مانیٹری پالیسی فیصلے سے قبل پاکستان اسٹاک ایکسچینج میں 1,000 سے زیادہ پوائنٹس کا زبردست اضافہ

’پی ایس ایکس‘ کی تاریخی کارکردگی معاشی اشاریوں میں بہتری اور خاص طور پر بینکنگ سیکٹر کی مضبوط کارکردگی کے باعث سرمایہ کاروں کے اعتماد میں اضافے کی عکاسی کرتی ہے۔

یہ خبر بھی پڑھیں :پاکستان اسٹاک ایکسچینج میں زبردست تیزی، ایک لاکھ 57 ہزار کی حد بحال

ماہرین کے مطابق حکومتی معاشی اقدامات، مہنگائی میں کمی اور بیرونی زرمبادلہ کے ذخائر میں بہتری نے مارکیٹ کے اعتماد کو مضبوط کیا ہے۔