اسلام آباد: کابل ریسٹورنٹ ٹیکس چھپانے کیلئے کریڈٹ کارڈ کی بجائے کیش لینے پر بضد، سی ڈی اے نے ایکشن لے لیا

کابل ریسٹورنٹ اسلام آباد ٹیکس چھپانے کے لیے شہریوں سے کریڈٹ کارڈ کی بجائے کیش لینے پر مسلسل اصرار کرتا ہے جس پر چیئرمین سی ڈی اے نے ایکشن لے لیا۔

اسلام آباد کے کابل ریسٹورنٹ کے اوپن اسپیس کو نقدی کے بجائے ڈیجیٹل نظام نہ اپنانے پر سیل کر دیا گیا ہے ۔

ریسٹورنٹ انتظامیہ کی جانب سے مسلسل وارننگز کے باوجود کیش ٹرانزیکشنز پر اصرار کیا جا رہا تھا، جس کے باعث سی ڈی اے نے کارروائی کرتے ہوئے ریسٹورنٹ کے اوپن ایریا کو سیل کر دیا۔

Kabul Restaurant open space sealed for not adhering to cashless SOPs.
Let’s move towards digitisation and cashless economy
Good work by MCI @dranamfatima @CDAthecapital @ShazaFK https://t.co/ygUGZ7WGWy pic.twitter.com/7PJVGtQMNi

— Muhammad Ali Randhawa (@RandhawaAli) November 7, 2025

حکام کا کہنا ہے کہ حکومت کی پالیسی کے مطابق اسلام آباد کے تجارتی مراکز اور ریسٹورنٹس کو ڈیجیٹل اور کیش لیس سسٹم اپنانے کی ہدایت دی گئی ہے تاکہ ٹیکس شفافیت یقینی بنائی جا سکے،  تاہم کابل ریسٹورنٹ کی جانب سے اس ہدایت کی خلاف ورزی کی جا رہی تھی۔

یہ بھی پڑھیں : ملک بھر میں موسم سرد و خشک، پنجاب کے میدانی علاقوں میں سموگ کا امکان

اسلام آباد میں دیگر ریسٹورنٹس اور کاروباری اداروں کی بھی نگرانی کی جا رہی ہے تاکہ کیش لیس معیشت کے فروغ کے حکومتی اقدامات پر مکمل عمل درآمد یقینی بنایا جا سکے۔