فیلڈ مارشل نے زبردست لیڈر شپ فراہم کی، پوری دنیا ہماری بات سن رہی ہے : مریم نواز

وزیراعلیٰ پنجاب مریم نوازشریف نے کہا ہے  کہ فیلڈ مارشل سید عاصم منیر نے زبردست لیڈر شپ فراہم کی، اب پوری دنیا پاکستان کی بات کو سن رہی ہے۔

تفصیلات کے مطابق وزیراعلیٰ پنجاب مریم نواز نے لندن میں میڈیا سے گفتگو کرتے ہوئے کہا کہ کارکردگی میں شہبازشریف کا ریکارڈ نہیں توڑا، شہبازشریف کے بتائے ہوئے راستے پر چل رہی ہوں، پنجاب کو چلانا آسان کام نہیں تھا، پنجاب میں سی سی ڈی کے باعث لوگوں کی زندگیاں محفوظ ہیں۔

یہ خبربھی پڑھیں :صرف 90 دن میں انصاف،پنجاب میں زمین کے تحفظ کے لیے نیا نظام متعارف

وزیراعلیٰ پنجاب مریم نواز لندن پہنچ گئی ہیں جہاں وہ دو روز قیام کے بعد برازیل روانہ ہوں گی، وزیراعلیٰ برازیل میں ہونے والے کوپ 30 اجلاس میں شریک ہوں گی، پنجاب کے فلیگ شپ پراجیکٹس پر بریفنگ دیں گی، ستھرا پنجاب، ای موبلٹی کے بارے شرکا کو آگاہ کیا جائے گا۔

وزیراعلیٰ پنجاب کلائمیٹ ریزیلینٹ ریجنل لیڈر شپ پر بھی گفتگو کریں گی۔

اس کے ساتھ ساتھ وزیراعلیٰ مریم نواز کی اہم شخصیات اور رہنماؤں سے بھی ملاقات شیڈول ہے ، ایشین انفرا اسٹرکچر انویسٹمنٹ بینک کے نائب صدر سے ملاقات طے ہے۔

یہ بھی پڑھیں: افغانستان سے پاکستان کے خلاف دہشت گردی برداشت نہیں کی جائے گی، فیلڈ مارشل سید عاصم منیر

مریم نواز ورلڈ بینک کلائمیٹ چینج کے گلوبل ڈائریکٹر سے بھی ملاقات کریں گی جبکہ یونائیٹڈ نیشن ڈویلپمنٹ پروگرام کے عہدیداروں سے بھی ان کی ملاقات شیڈول ہے۔