عالمی و مقامی مارکیٹ میں سونے کی قیمتوں میں استحکام

سونے کی قیمتوں میں اتار چڑھاؤ کا سلسلہ جاری ہے  تاہم آج سونے کی عالمی و مقامی مارکیٹوں میں قیمتیں مستحکم ہیں۔

میڈیا رپورٹ  کے مطابق جیولرز ایسوسی ایشن کا بتانا ہے کہ عالمی مارکیٹ کے زیراثر مقامی مارکیٹ میں آج 24 کیرٹ فی تولہ سونے کی قیمت 4 لاکھ 23 ہزار 62 روپے جبکہ 10گرام سونے کی قیمت بغیر کسی تبدیلی کے 3 لاکھ 62 ہزار 707 روپے پر برقرار رہی۔

رپورٹ کے مطابق فی تولہ چاندی کی قیمت بھی 5112 روپے پر برقرار رہی،  عالمی مارکیٹ میں فی اونس سونا 4007 ڈالر پر برقرار رہا۔

یاد رہے کہ اس سے قبل مقامی مارکیٹ میں فی تولہ  1300 روپے مہنگا ہوا جس کے بعد فی تولہ سونے کی قیمت 4لاکھ 23 ہزار 862 روپے ہو گئی تھی ، اسی طرح 10 گرام سونے کی قیمت میں بھی ایک ہزار 115 روپے اضافے کے بعد نئی قیمت 3 لاکھ 63 ہزار 393 روپے تک پہنچی۔

یہ بھی پڑھیں : سونے کی قیمتوں کو بریک لگ گئی ، دوسرے روز بھی کمی ریکارڈ

ماہرین کے مطابق عالمی مالیاتی منڈیوں میں غیر یقینی صورتحال، ڈالر کے اتار چڑھاؤ اور بین الاقوامی سرمایہ کاروں کی جانب سے سونے میں سرمایہ کاری کے رجحان میں اضافے کے باعث قیمتوں میں مسلسل تغیر و تبدل دیکھنے میں آ رہا ہے۔

ماہرین کا کہنا ہے کہ اگر یہی رجحان جاری رہا تو آئندہ دنوں میں سونے اور چاندی کی قیمتوں میں اتار چڑھاؤ ممکن ہے، تاہم بین الاقوامی حالات، ڈالر ریٹ اور طلب و رسد کے اتار چڑھاؤ کو نظر انداز نہیں کیا جا سکتا۔

دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے، بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔

رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے کے سب سے زیادہ ذخائر رکھتے ہیں۔

یہ بھی پڑھیں: سونے اور چاندی کی قیمتیں سابقہ سطح پر برقرار

ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔