کیڈٹ کالج وانا اپریشن کامیابی سے مکمل , تین دہشت گرد جہنم واصل

سیکورٹی ذرائع کے مطابق کیڈٹ کالج پر اپریشن مکمل کر لیا گیا ہے اور تمام حملہ آور تمام خوارج جہنم واصل ہو گئے۔

تفصیلات کے مطابق کیڈٹ کالج پر اپریشن مکمل کر لیا گیا ہے اور تمام حملہ آور تمام خوارج جہنم واصل ہو گئے ہیں سیکورٹی ذرائع کے مطابق ایک خودکش کے علاوہ چار خوارج کامیاب آپریشن کر کے جہنم واصل کیے گئے ہیں۔

سیکورٹی ذرائع کا کہنا ہے کہ اس وقت کالج کی بلڈنگ کو بارودی سرنگوں کے خطرے کی وجہ سے کلیئر کیا جا رہا ہے -سیکورٹی ذرائع کے مطابق اس کامیاب آپریشن کے دوران کیڈٹ کالج کے کسی بھی طالبعلم یا استاد کو کوئی نقصان نہیں پہنچا۔

مزید پڑھیں: وانا کیڈٹ کالج کے تمام طلبہ و اساتذہ کو بحفاظت ریسکیوکرلیا گیا، آپریشن جاری

کیڈٹ کالج وانا کی صورتحال کے تازہ ترین ویڈیو مناظرسامنے آگئے اور سکیورٹی فورسز نے کالج میں موجود تمام طلبہ اور اساتذہ کو بحفاظت ریسکیو کر لیا۔ سکیورٹی فورسز کی جانب سے بچوں کو ریسکیو کرتے ہوئےدیکھا جاسکتا ہے۔ سکیورٹی ذرائع کے مطابق کالج میں موجود تمام طلبہ اور اساتذہ کو بحفاظت ریسکیو کر لیا گیا۔

سکیورٹی نے بتایاکہ کیڈٹ کالج پر حملے کے وقت 525 کیڈٹس سمیت تقریباً 650 افراد موجود تھے۔ سکیورٹی ذرائع کا کہنا ہے کہ سکیورٹی فورسزکا آپریشن نہایت احتیاط اورحکمتِ عملی سے جاری ہے۔

سکیورٹی ذرائع کے مطابق افغان خوارج کی کالج میں موجودگی اور کیڈٹس کی جانوں کی حفاظت کے پیش نظر  آپریشن احتیاط سے کیا جارہا تھا۔ سکیورٹی ذرائع نے بتایاکہ اب آپریشن جامع طریقے سے حتمی انجام کو پہنچایا جائے گا، آخری خوارج کو ہلاک کرنے تک سکیورٹی آپریشن جاری رہے گا۔ سکیورٹی ذرائع کے مطابق تمام طلبہ اور اساتذہ کے حوصلے بلند ہیں۔