ملک میں سونا سستا اور چاندی مہنگی، فی تولہ قیمت کیا رہی ؟

پاکستان میں سونے کی قیمت میں اُتار چڑھاؤکا سلسلہ جاری ہے ، سونے کی قیمت میں آج  ایک ہزار روپے کی کمی ہوئی ہے جبکہ چاندی کی قیمت میں معمولی اضافہ ہوا ہے۔

خبر رساں ادارے اے پی پی کی رپورٹ کے مطابق آل پاکستان صرافہ جیمز اینڈ جیولرز ایسوسی ایشن کے مطابق بدھ کو پاکستان میں 24 قیراط سونے کی قیمت ایک ہزار روپے کمی کے بعد 4 لاکھ 34 ہزار 762 روپے فی تولہ رہی، جو گزشتہ کاروباری روز 4 لاکھ 35 ہزار 762 روپے تھی۔

اسی طرح 24 قیراط کے 10 گرام سونے کی قیمت 857 روپے کم ہو کر 3 لاکھ 72 ہزار 738 روپے ہو گئی، جبکہ 22 قیراط کے 10 گرام سونے کی قیمت 786 روپے کمی کے ساتھ 3 لاکھ 41 ہزار 688 روپے رہی۔

بین الاقوامی مارکیٹ میں سونے کی قیمت میں بھی کمی دیکھنے میں آئی اور یہ 59 ڈالر گھٹ کر 4 ہزار 124 ڈالر ہو گئی، جو پہلے 4 ہزار 134 ڈالر تھی۔

یہ بھی پڑھیں : سونے کی بڑھتی قیمت کو ریورس گیئر لگ گیا، فی تولہ قیمت کیا رہی ؟

دوسری جانب چاندی کی قیمتوں میں اضافہ دیکھنے میں آیا، 24 قیراط چاندی فی تولہ کی قیمت 81 روپے بڑھ کر 5 ہزار 424 روپے ہو گئی، جبکہ 10 گرام کی قیمت 69 روپے اضافے کے ساتھ 4 ہزار 658 روپے رہی۔

ایسوسی ایشن نے مزید بتایا کہ بین الاقوامی مارکیٹ میں بھی چاندی کی قیمت میں 0.81 ڈالر کا اضافہ ہوا اور یہ 51.72 ڈالر تک پہنچ گئی، جو پہلے 50.91 ڈالر تھی۔

ماہرین کے مطابق عالمی مالیاتی منڈیوں میں غیر یقینی صورتحال، ڈالر کے اتار چڑھاؤ اور بین الاقوامی سرمایہ کاروں کی جانب سے سونے میں سرمایہ کاری کے رجحان میں اضافے کے باعث قیمتوں میں مسلسل تغیر و تبدل دیکھنے میں آ رہا ہے۔

ماہرین کا کہنا ہے کہ اگر یہی رجحان جاری رہا تو آئندہ دنوں میں سونے اور چاندی کی قیمتوں میں اتار چڑھاؤ ممکن ہے، تاہم بین الاقوامی حالات، ڈالر ریٹ اور طلب و رسد کے اتار چڑھاؤ کو نظر انداز نہیں کیا جا سکتا۔

دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے، بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔

رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے کے سب سے زیادہ ذخائر رکھتے ہیں۔

یہ بھی پڑھیں: سونے اور چاندی کی قیمتیں سابقہ سطح پر برقرار

ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔