پنجاب میں تمام سرکاری و نجی سکولوں میں بچوں کے موبائل فون کے استعمال پر پابندی عائد کر دی گئی

محکمہ اسکول ایجوکیشن نے تمام ایجوکیشن اتھارٹیز کے سربراہان کو ہدایت کردی ہے جاری کردہ مراسلے میں کہا گیا ہے کہ فوری طور پر اسکولوں میں موبائل استعمال کی پابندی پر عملدرآمد کروایا جائے۔

تفصیلات کے مطابق محکمہ اسکول ایجوکیشن نے مراسلے میں کہا ہے کہ طلبا کو نصابی سرگرمیوں میں شرکت کی ترغیب دیں۔

مراسلے میں کہا گیا ہے کہ شخصیت کی ڈیولپمنٹ والی سرگرمیوں میں طلبا کی شرکت کو یقینی بنائیں۔ واضح رہے کہ حکومی رکن راحیلہ خادم حسین کی پیش کی جانے والی قرارداد کثرت رائے سے منظور کی گئی تھی، منظور ہونے والی قرارداد کی روشنی میں مراسلہ جاری کیا گیا ہے۔

تعلیمی اداروں کے سربراہان سے کہا گیا کہ وہ شخصیت سازی کی سرگرمیوں میں طلبہ کی شرکت کو یقینی بنائیں، یہ مراسلہ پنجاب اسمبلی میں منظور کی گئی قرارداد کی روشنی میں جاری کیا گیا ہے۔

مزید پڑھیں: سکولز میں ڈھائی ماہ کی تعطیلات کا اعلان

مراسلے میں کہا گیا کہ فوری طور پر اسکولوں میں موبائل فون استعمال پر پابندی پر عملدرآمد کروایا جائے اور طلباء کو ہم نصابی سرگرمیوں میں شرکت کی ترغیب دیں۔

پابندی کا مقصد سکولوں میں طلبہ کی توجہ تعلیمی سرگرمیوں اور ہم نصابی سرگرمیوں پر مرکوز رکھنا ہے تاکہ وہ اپنے تعلیمی اور شخصی ترقی کے عمل میں زیادہ سے زیادہ حصہ لے سکیں۔