اسلام آباد میں دسمبر تک 30 مفت وائی فائی پوائنٹس فعال کرنے کا اعلان

وفاقی دارالحکومت میں عوام کو مفت انٹرنیٹ فراہم کرنے کے منصوبے کے تحت دسمبر 2025 تک 30 وائی فائی ہاٹ سپاٹس قائم کیے جائیں گے۔

تفصیلات کے مطابق وفاقی دارلحکومت میں مفت وائی فائی سہولت کے حوالے سے یہ اقدام شہر میں ڈیجیٹل سہولیات کے فروغ اور عوامی رسائی کو بہتر بنانے کے لیے حکومت کی جاری کاوشوں کا حصہ ہے۔

نیشنل ٹیلی کمیونیکیشن کارپوریشن (این ٹی سی) نے قومی اسمبلی کی قائمہ کمیٹی برائے آئی ٹی کو بریفنگ دیتے ہوئے بتایا کہ منصوبے پر تیزی سے پیش رفت جاری ہے اور مقررہ وقت تک تمام ہاٹ سپاٹس مکمل طور پر فعال کر دیے جائیں گے۔

حکام کے مطابق مفت وائی فائی پوائنٹس اسلام آباد کے اہم عوامی مقامات، بازاروں، تعلیمی علاقوں اور سرکاری عمارتوں کے اردگرد نصب کیے جائیں گے تاکہ شہریوں، خاص طور پر طلبہ و ملازمین کو تیز اور قابل اعتماد انٹرنیٹ تک آسان رسائی حاصل ہو سکے۔

مزید پڑھیں: عوام کے لیے بڑی خوشخبری’این ٹی سی‘ کا مفت ’وائی فائی‘ ہاٹ اسپاٹس نصب کرنے کا اعلان

این ٹی سی نے یہ بھی بتایا کہ ادارہ ملک کے 100 سے زائد شہروں میں 3 ہزار سے زیادہ سرکاری اور نجی اداروں کو ٹیلی کمیونیکیشن خدمات فراہم کر رہا ہے، جن میں سائبر سیکیورٹی سپورٹ بھی شامل ہے۔

سرکاری حکام کا کہنا ہے کہ مفت وائی فائی منصوبہ اسلام آباد کو ٹیکنالوجی فرینڈلی شہر بنانے کی جانب ایک بڑا قدم ہے، جو ڈیجیٹل پاکستان کے وژن کو مزید مضبوط کرے گا۔

این ٹی سی نے مزید کہا کہ ادارہ ملک بھر کے 100 سے زائد شہروں میں 3 ہزار سے زیادہ سرکاری و نجی اداروں کو خدمات فراہم کر رہا ہے، جن میں سائبر سیکیورٹی سپورٹ بھی شامل ہے۔حکام کے مطابق مفت وائی فائی منصوبہ اسلام آباد کو ٹیکنالوجی فرینڈلی شہر بنانے کی جانب اہم قدم ثابت ہوگا۔