By بلوچستان کے ضلع ژوب میں دہشتگردوں کے ساتھ فائرنگ کے تبادلے میں پاک فوج کے میجر بابر خان نےجام شہادت نوش کرلیا ۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع ژوب کے علاقے سمبازہ میں خفیہ اطلاعات کی بنیاد پر آپریشن کیا تو اس دوران فائرنگ کا تبادلہ ہوگیا۔
آئی ایس پی آر کے مطابق فائرنگ کے تبادلے میں سیکیورٹی فورسز نے 3 دہشتگردوں کو بھی ہلاک کردیا۔ مارے گئے دہشتگردوں کے قبضے سے اسلحہ، گولہ بارود اور دھماکہ خیز مواد بھی برآمد ہوا ہے۔
ترجمان نے بتایا کے علاقے سے دہشتگردوں کے خاتمے کے لیے کلیئرنس آپریشن کیا جارہا ہے۔آئی ایس پی آر نے بتایا کہ سیکیورٹی فورسز بلوچستان میں امن و استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔ دہشتگردوں کی ایسی کارروائیاں ہمارے جوانوں کے حوصلوں کو مزید مضبوط کرتی ہیں۔
