عمران خان کا مستقبل خطرے سے دوچارہے، منطور وسان

پیپلز پارٹی کے رہنما منظور وسان نے کہا ہے کہ پاکستان تحریک انصاف کے بانی عمران خان کا مستقبل خطرے سے دوچار ہے۔

پاکستان پیپلزپارٹی سندھ کے سینئر نائب صدر منظوروسان نے عمران خان کے مستقبل سے متعلق بڑی پیشنگوئی کرتے ہوئے کہا ہے کہ عمران خان کا مستقبل خطرے سے دوچار ہے۔ انہوں نے پیشنگوئی کی کہ بانی پی ٹی آئی عمران خان کا مستقبل مشکلات میں ہے اور ان کی مشکلات میں فی الحال کوئی کمی نہیں آئے گی، وہ فائدے کے بجائے نقصان میں جائیں گے۔

یہ پڑھیں: مریم نواز نے ایلیٹ فورس کی وردی پہن لی

انہوں نے شیر افضل مروت پر بات کرتے ہوئے کہا کہ عمران خان اور شیر افضل مروت کی آپس میں نوراکشتی ہے، عمران خان کے کہنے پر ہی یہ سب کچھ کیا جارہا ہے، وہ محسوس کروانا چاہتے ہیں کہ وہ سعودی عرب کے خلاف نہیں اورجو بھی رہنما سعودی کے خلاف بات کرے گا، شیر افضل مروت کی طرح نکالا جائے گا۔ منظور وسان کا کہنا تھا کہ پاکستان بننے سے اب تک کسی بھی وفاقی حکومت نے مدت پوری نہیں کی، ہوسکتا ہے کہ شہباز شریف 5 سال مکمل کریں جب کہ ملک میں مہنگائی میں واضح کمی آئی ہے۔انہوں نے کہاکہ سندھ حکومت ملازمین کی تنخواہوں میں اضافہ کریگی۔