By پاکستان تحریک انصاف کی سوشل میڈیا ٹیم اور پارٹی ترجمان رئوف حسن آمنے سامنے آگئے۔
پی ٹی آئی سوشل میڈیا کارکن اظہر مشوانی کا رئوف حسن کے بیان پر ردِعمل سامنے آگیا۔ اظہر مشوانی نے ٹویٹر پر پوسٹ کی کہ ’اگر کوئی عمران خان کے موقف اور پالیسیوں کا دفاع نہیں کر سکتا تو اسے پی ٹی آئی ترجمان کی حیثیت سے اپنے ذاتی خیالات کا اظہار کرنے میڈیا پر نہیں جانا چاہئے۔‘
If someone cannot defend Imran Khan, his policies and his stance, then he should NOT go on media as a “PTI representative” to share his “personal views”.
— Azhar Mashwani (@MashwaniAzhar) June 5, 2024
یاد رہے اظہر مشوانی کا ردِعمل رئوف حسن کے اس بیان کے بعد آیا ہے جس میں انہوں نے کہا ہے کہ ’پی ٹی آئی کا سوشل میڈیا زہریلا بیانیہ پھیلا رہا ہے‘۔‘
رئوف حسن کا نجی ٹی وی کے پروگرام میں کہنا تھا کہ میں پی ٹی آئی کی سوشل میڈیا پوسٹس کے بیانیے سے میں متفق نہیں ہوں۔ کسی کیساتھ ٹکرائو پاکستان تحریک انصاف کی پالیسی نہیں ہے۔ انہوں نے اعتراف کیا کہ پاکستان تحریک انصاف کا سوشل میڈیا زہریلا بیانیہ پھیلا رہا ہے۔ میں کل عمران خان سے ملاقات کرنے جارہا ہوں، ہم ایک پالیسی مرتب کرنے جارہے ہیں کہ کیسے سوشل میڈیا مینیج کیا جائے۔
ترجمان تحریک انصاف رؤف حسن نے پی ٹی آئی کی سوشل میڈیا مہم کو زہریلا بیانیہ قرار دے دیا۔۔۔ عمران خان کا سوشل میڈیا کون چلا رہا ہے۔۔۔؟ رؤف حسن کا بڑا انکشاف pic.twitter.com/Nmz1obhEvh
— Azaad Urdu (@azaad_urdu) June 5, 2024
