سعودی عرب میں ذی الحج کا چاند نظر آگیا

سعودی عرب میں ذی الحج کا چاند نظر آگیا۔

تفصیلات کے مطابق سعودی عرب کی سپریم کورٹ کی جانب سے اعلان کیا گیا ہے کہ مملکت میں جمعرات 6 جون کو ذی الحج کا چاند نظر آگیا ہے۔ سعودی عرب میں یوم عرفہ ہفتہ 15 جون جب کہ عیدالاضحیٰ اتوار 16 جون کو ہوگی۔

مزید پڑھیں: سرکاری ملازمین کو عید الاضحی پر کتنی چھٹی ملنے کا امکان؟

بتایا گیا ہے کہ ذی الحج کے چاند کی پیدائش 6 جون کی شام کو پاکستان کے مقامی وقت کے مطابق 5 بج کر 38 منٹ پر ہوئی۔ یوں 7 جون بروز جمعہ کو غروب آفتاب کے وقت چاند کی عمر 25 گھنٹے ہونے کے باعث چاند باآسانی نظر آئے گا میڈیا رپورٹس کے مطابق رویت ہلال ریسرچ کونس نے پاکستان میں عیدالاضحٰی 17 جون کو ہونے کا امکان ظاہر کیا ہے۔

دوسری جانب پاکستان میں ذی الحج کا چاند دیکھنے کے لیے رویت ہلال کمیٹی کا اجلاس 7 جون کو طلب کر لیا گیا۔ مرکزی رویت ہلال کمیٹی کا اجلاس 7 جون بروز جمعہ کو محکمہ موسمیات کراچی دفتر میں ہو گا، اجلاس کی صدارت چیئرمین رویت ہلال کمیٹی مولانا عبدالخبیر آزاد کریں گے۔ اجلاس میں سپارکو، مذہبی امور، محکمہ موسمیات سمیت دیگر نمائندگان شریک ہوں گے۔ اجلاس میں عید الاضحٰی کی حتمی تاریخ کا فیصلہ مرکزی رویت ہلال کمیٹی کرے گی۔